YY 好鍾意玩 slime，成日都自己整，又睇 Youtube 片"自修"。暑假約朋友黎屋企玩既時候，仲教朋友整 slime 添～ 喺 FB 見到【SD Slime】既廣告，標榜使用無毒材料。趁今日假期，就帶 YY 去玩下 (假期建議提前預約️)。其實之前見到尖沙咀K11 Musea都有一間玩 Slime 既 shop，但嗰間有用硼砂水，所以我就唔係太想去喇。講返價錢先，$220 一份材料，包兩位大人一位小朋友，shop 會預留一張枱比一家人坐低玩。我哋比預約時間早到了5分鐘，但去到仍需要等 shop 安排坐位比我哋，左調右調大約等咗10分鐘終於可以坐低。可能因為係假日啦，booking 都幾滿下，仲有少少亂添．．．點擊圖片放大 +3 安排好坐位之後，店員就帶 YY 去取工具及材料，大粒閃粉/閃片可以自選5個色。返埋坐位之後，有位店員姐姐黎教 YY 如何製作。間中仲會過黎同 YY 玩下塊 Slime。點擊圖片放大 +5 枱面上仲有幾支閃粉，可以隨意使用。YY 平時喺屋企自己整，係無閃粉用架 (YY Dadi 怕佢整到一地都係)，所以尼到閃粉任落，佢好開心！最吸引小朋友既一定係旁邊既膠粒裝飾，成幅牆都係，確實係幾吸睛！膠裝飾就唔係任用既，每位小朋友可以攞一小杯膠粒裝飾。 平時 YY 自己喺屋企玩 slime，我哋由得佢自己玩。今日 YY Dadi 陪佢一齊玩，一齊“蓋泡”。 整咗好大個波波出黎，全場小朋友都望住佢哋呀！點擊圖片放大 +3 有興趣既朋友可以到【SD Slime】 FB 睇睇👀地址: 九龍灣淘大商場二期二樓S105號舖電話: 6329 8261FB: https://www.facebook.com/hk.yy.family/IG :https://www.instagram.com/hk_yy_family/Youtube: https://www.youtube.com/channel/UCg0U2RaZmQGIOeNE1hquBDw#SD_slime#鬼口水#無毒鬼口水#室內好去處
