昨日同友人去咗個新地方玩。就係7月中先開幕既【浩海立方。探遊館】，它位於荃灣西，好方便住喺大西北既朋友~點擊圖片放大 睇介紹話佔地超過一萬呎，但到了現場又感覺唔係真係好大。入場係分時段，2小時一節。昨日雖然係假期，但場內都唔擠迫。點擊圖片放大 館既主題係海洋同水母。我覺得好似去咗海洋公園個水母館咁，但細好多，不過尼個館都算係有誠意既。 一入場左手邊個水母缸，入面打咗彩色燈，望落去畫面真係好靚既。再配埋個不時會轉動的海洋背景, 打咭一流! 場內有VR同MR體驗。先講講個VR，戴上個VR眼罩之後，仿似置身於海底。有幾個潛水員一齊潛水，仲有啲啲魚喺身面游過，感覺都幾真實架! 我覺得有啲浸親既感覺添。 MR體驗係戴住另一款眼罩，同時手拎住一個搖控器。喺指定區域步行，經過個眼罩會見到有魚游黎游去，尼個時候可以伸出手制摸下啲魚。尼個體驗都幾新穎同有趣。 VR同MR體驗區之間係水母培育室。職員仔細講解點樣培育豐年蝦同如何餵飼水母。 最最最吸引YY既係館內既兒童遊戲區!! 條水母滑梯都幾斜，我試滑咗一次，都幾快幾刺激的。不過差不多離開時，先喺職員口中得知尼個遊戲區係有年齡限制，係比6歲以下既小朋友玩。我即時表明YY同友人其實9歲喇!!職員笑笑口話，其實佢留意到既，估佢哋7歲左右，見兩位小小姐都好斯文，就照比佢哋入去。所以呢，6歲以上既小朋友，而身型又比較高大的話，家長要留意一下尼區可能唔入得喇。 如果尼個遊戲區唔入得的話，性價比又要重新計過喇! 入場2小時，佢哋有多過1個鐘喺尼個區。點擊圖片放大 +5 兒童遊戲區旁邊係餐廳，但職員話其實未正式開放。如果有打算喺入面用餐的話，可能需要事先打去問問。如果幫襯買雪糕，就可以入餐廳坐低食。 4款雪糕造型都幾靚既，但價錢就貴咗啲囉。無記錯的話。。。係$56一杯。 總結: 尼個館黎一次就夠了。無論價錢及娛樂性唔值得再花錢黎第2次。。之但係咁，天有不測之風雲，尼個館作為"雨天玩樂後備方案"都係一個不錯的選擇。地址: 8/F, Plaza 88, 88 Yeung Uk Road Tsuen Wan票價: 大人$198，小童$168FB: https://www.facebook.com/hk.yy.family/IG :https://www.instagram.com/hk_yy_family/Youtube: https://www.youtube.com/channel/UCg0U2RaZmQGIOeNE1hquBDw#浩海立方探游館#Cube_O_Discovery_Park#雨天方案#室內放電好去處#親子好去處
