尼個年代既小朋友，好似YY咁，大部份居住環境都好舒適既。藉住今次既參觀，讓YY了解一下幾十年前的人，是如何生活?居住環境如何?有比較之下，就會知道現時擁有的係幾咁幸福。 展館有兩層，地下嗰層主要介紹當年美荷樓既環境，以及記錄當年火災既資料。有好多黑白相片展出，最值得一看係當年既遊樂場同現今的不同之處。點擊圖片放大 +5 一樓展館，分咗好多格。有廚房，厠所，不同的客廳，房間等等。仲有間舊式既米舖。厠所既環境，YY睇完之後....佢話幾急都痾唔出喎。尼位幸福兒童真係.....不過，環境確係惡劣咗小小既。幾十年前基層巿民既居所，包括長木椅，鐵造的上下格床，尼龍摺床，火水爐等等....喺尼個館都搵得到。對於YY來說，尼個展館確實有小小悶。。。點擊圖片放大 +15 離開美荷樓之後，我哋就同佢去附近既福榮街，又名玩具街睇玩具。尼位小朋友即時生猛哂~ 仲有收獲添~ 美荷樓簡介:美荷樓生活館是第一間由香港青年旅舍協會設立及管理的公屋博物館。美荷樓的誕生源於1953年12月25日夜晚在石硤尾發生的一場大火（後通稱「石硤尾大火」）。大火發生在石硤尾山邊寮屋區，使接近58,000人喪失家園。為了向災民提供長期的房屋設施，包括美荷樓在內的首批8座六層高的徙置大廈應運而生。於1954年落成的美荷樓，標誌著香港公共房屋政策的開端，在原址設立生活館展示社區歷史、公屋環境以至巿民生活習慣的轉變，深具意義。地址: 九龍深水埗巴域街70號石硤尾邨41座開放時間: 星期二至星期六：上午9時30分至下午5時星期一、星期日及公眾假期：休館公眾導賞團（廣東話）：逢星期二及四，下午3:15 – 4:00 (需預先報名) FB: https://www.facebook.com/hk.yy.family/IG :https://www.instagram.com/hk_yy_family/Youtube: https://www.youtube.com/channel/UCg0U2RaZmQGIOeNE1hquBDw#親子好去處#美荷樓#美荷樓生活館#深水埗好去處
