同朋友喺屯門行完街之後，就去咗附近嘅一間餐廳食嘢！留民料理，個名幾特別，店鋪外仲寫住fusion無國界料理，幾吸引！店內環境有啲似酒吧，店內亦有售賣手工啤及日本清酒。入面仲有部電視播放住店長嘅心路歷程，睇完就會知點解店舖名叫留民料理。 蟹籽溫泉蛋凍食溫泉蛋，除咗有蟹籽之外，仲有蔥花同芝麻醬。芝麻醬好香濃，掩蓋咗生蛋嘅腥味並特出咗蔥花嘅味道 蟹籽海葡萄宮城大真蠔日本直送！差不多手掌般大細，一啖根本食唔曬！生蠔鮮甜肥美，海水味唔重，再加上蟹籽及海葡萄，令帶出清爽口感！ 胡椒海鹽煎燒黃腳立黃腳立並冇魚腥味，而且一條正骨，怕食魚骨嘅可以放心。魚肉嫩滑軟綿，即使唔加任何調味料亦帶有甘香。如果想重口味，可以添加附帶嘅海鹽，檸檬汁，七味粉，及特製醬汁（少辣）。 日式甜咖哩炸軟殼蟹燴飯香濃咖哩味但唔油膩，未食先聞其香。鹽酥炸軟殼蟹，單食會比較鹹，配飯食會比較好。除咗蟹籽，蔥花仲有瓜粒，所以食落口會有爽口嘅感覺。飯量亦唔細，兩個人分都得。.留民料理屯門青山公路351號彩華花園地下1號舖.#留民料理 #屯門 #屯門美食 #美食 #fusion #無國界料理 #日式甜咖哩炸軟殼蟹燴飯 #日式 #hongkongfood #foodies #hkblogger #ywkwan
