琴日係2013最後一日,所以有藉口比自己去敗家. 第一站銅鑼灣, 先買護膚品同護理手套,(遲d同大家分享) 之後同朋友仔去睇衫, 講真係銅鑼灣甘耐, 真係好少去Forever 21 睇衫, 1. 係太多人, 2. 諗冇乜野啱自己,所以冇去睇,不過朋友仔想睇.OK 鴿下有乜好野. 點知比我發現好野. 就係呢條Legging. 有乜特別.係冇. 好普通一條legging. 不過勝在平同質地靚. 街店都未有甘正料. 因為好多都係尼龍料重.好易起毛頭. 而Forever 21 就係棉料加彈性料. 比較舒服同唔焗身. 睇下個價錢牌仔. $29.9 唔好介意我對豬脾示範比大家睇. 幾貼身.長度剛好. 因為我係XS 碼,所以SIZE會有可能短D. SIS 們買要留意下自己長度. 因為冇得換. 點擊圖片放大 我最LIKE 穿 legging 出面加條短裙仔. 可以遮下pat pat 同大脾.又或者穿長衫會好d, sis 們千萬最緊要唔好穿短衫之後單穿legging 褲仔, 當普通褲穿著出街. 因為我以前有位女同事, 就係甘當普通褲穿出來,點知將(妹妹)同pat pat外型完全表露無遺.唉....就算身材幾好. 唔等於要人家一定欣賞架. 你當我保守la. 希望大家鍾意今次分享.＿
