<Day2> 今次揀係新宿站住既我，要去原宿個邊簡直係易如反掌！只要沿住JR山手線坐一個站就去到架啦～原宿除佐係潮人潮聖既地方，個到仲有好多好西食添！今次介紹既午餐就連香港頂頂大名作詞人Wyman都食過既牛肉飯－レッドロック RedRock！ 餐廳：RedRock (レッドロック 原宿店) 地址：東京都 渋谷区 神宮前 3-25-12 フジビル B1F 電話：03-6721-1729 (+81-3-6721-1729) 營業時間：11:30～22:00(L.O) 雖然係平日既中午，遠處既我已經見到條隊尾去到好遠，排隊既人除佐有遊客慕名而來，其實佢都有好多當地既中學生或者係辦公時間既日本人黎食依個牛肉飯。 係排隊既途中，俾小妹見到Mario Katt呀！堅係好正好似遊戲入面既角色係個現實既公路上揸住架車奔馳！最衰自己無車牌，如果唔係我一定會玩！有興趣既朋友可以去依個網站： http://maricar.jp/度了解下啦。不過記住要有國際車牌先玩到！ 經過個半鐘後，終於輪到小妹啦～RedRock原宿店係地庫，要行落一層。不過入去前要係門口前個販賣機點餐同俾錢，再將收據交俾店員。入到去發現裝潢好美式，似酒吧格調。坐落去唔夠幾分鐘所點既餐就已經擺在係小妹同朋友既面前嚕。 人氣推薦No.1 烤炙牛肉飯 Roast Beef Bowl Regular 這是朋友的。個蛋黃汁係出色！ 人氣No.2 牛排飯 Slice Steak Bowl Regular 就係小妹所點既。 唔好睇好似好細份咁，份量相當足料架！ 粉粉嫩嫩既肉呀～就連我唔食係點食牛既小妹都難抵抗呀！雖然我地係呀正常份量，但好足料！啲肉質唔係和牛既級數但都可以煮到勁香同勁嫩口，個價錢又唔係算貴，每碗太約1000円左右就有交易，CP值爆晒燈呀！下次再黎東京都要再encore，不過小妹提議大家唔好食中午餐既時候去，因為真係排隊排到癲⋯⋯
