💛 #MsUcake @Ms.U_cake點擊圖片放大 +4 好折磨呀! 第一次打食評同執相整到越黎越肚餓, 尤其係執相真係超想再食!😭😭 之前鍾於搶到四盒Ms U嘅盒子蛋糕, 其實我已經猴住咗好耐咖啦因為我朋友成日話好好食叫我一定要試, 今次終於食到真係好開心!! Ms U嘅盒子全部都好靚... 啲唧花簡直係藝術品! 未食都好睇得! 🤩-🥭 超多芒盒子第一盒當然要食咗新鮮芒果先, 呢個真係好誇張... 🤗大家都見到佢個面層係幾咁多芒果粒, 但唔止咖, 蛋糕中間仲有一層! 好顛呀!!🤤 芒果酸甜適中, 好好食~ 中間仲有一層煙煙un un嘅麻糬, 口感豐富, 好推薦!-🧁 爆粗奶蓋麻糬盒子之後揀嘅係奶蓋麻糬盒子, 因為見到啲相好靚就想試吓😛~ 好特別! 除咗有兩層超級正又拉絲嘅麻糬, 仲有超靚嘅奶蓋!🤩 其實我係第一次食有奶蓋嘅蛋糕, 真係好match呀! 好好好食, 有好香濃嘅奶味! 呢個盒子真係好特別好正~😋-☕ Tiramisu盒子Tiramisu盒子我揀咗普通版, 冇揀到麻糬, 佢係流心嘅感覺😍! Tiramisu味十級濃郁, 老實講真係我食過最好食嘅Tiramisu cake🥳! 但我淨係食咗四分一就比屋企人搶曬了😤! 下次要再買!-🍵 抺茶盒子最後一個食嘅係抺茶盒子, 佢面頭嘅唧花真係好靚呀🌹! 因為太靚留返最後先食, 最後我隔咗成個星期先食, 入面嘅麻糬硬咗少少, 好對唔住店主嘅用心製作嗚😭, 下次要早啲食, 不過除咗麻糬硬咗少少之外都仲好好食! 抺茶控一定要試, 佢係好香好濃, 但又一啲都唔會太甜, 究竟點做到, 好好食!!🥳我已經諗好下次買咩味了😋 希望好快又搶到下一次啦😋點擊圖片放大
