早前試做了一個美甲 (後補文), 所以難得有美甲姐姐幫我修了美美方甲,當然唔好浪費, 當甲油開始褪色後, 我便把甲油抺掉, 換上Loreal 美甲貼紙 早前在各大blogger 的blog文中看到相關介紹, 紛紛一致好評, 剛啱見Watson's 有特價, 原價$60一包減到$50, 就趁農曆年試下啦 Loreal的貼紙款式都算多, 大約10款8款, watson's都唔算太齊貨, 不是個個款式都有, 而款式偏向metallic 型格款為主, 上圖是國外網站找的, 和香港有售的款式略有不同 而我本身最喜歡的一款為黑底綴有金色閃粉的, 不過新年流流用黑色好似不太好, 佢又無出紅噹噹款, 咁就揀個銀白色綴閃石款啦 使用方法方面, 佢packing講到好簡單, 我都上Youtube找到影片, 都一樣講到好簡單, 只係stick, fold, file 3個步驟 我連搽甲油都搽到好樣衰架喎, 真是對自己不太有信心...... 先睇睇剛貼好的效果, 遠睇之下都算OK, 其實一包入面有18對, 每對size有少少分別, 好似大姆指果款咁, 有一款窄D, 一款闊D, 肥瘦手指的人都可以揀番岩自己的size 經我試用之後, 有以下comments: 1. size方面, 雖然有size揀, 但是始終會差少少, 我的食指~ 無名指的貼紙左右都有2mm左右的空隙, 唯有貼係中間無咁覺眼啦! 所以, 揀淺色的貼紙比較有著數, 否則, 空隙會很 "覺眼", 但是, Loreal 出咁多款黑色為主的款式, 好似玩自己多D, 除非咁岩你的手指size同佢的template一樣啦 2. 易貼度方面, 真係算OK的, 但不至於各大Blogger講到咁正 (可能係我問題), OK在於, 貼下去之後, 如果覺得個位唔岩, 撕出來再貼都是可以的, 不影響黏性, 貼上之後向下折, 再用銼銼走多餘部份, 銼的時候, 盡量將銼放在指甲底, 以免銼到個邊咁 "掘" 但是這個step對於我買的閃石款就有少少問題, 因為閃石不能避免剛好落在指甲邊緣, 一折一銼就會銼掉閃石, 變成缺了個洞 3. 指甲始終是3D, 平面貼紙貼上去的時候, 雖然已盡量平伏, 但始終左右2邊會有不平伏谷起的位置 4. 指甲貼的面層有一層透明膜, 好處是可以保護指甲貼上的閃石, 壞處是銼斷的時候, 容易銼到似斷非斷, 結果剛貼好的初期, 邊位容易勾到衫/ 塗skincare時刮到面=__= 點擊圖片放大 +2 看看10天後的效果吧: ~ 指甲邊緣的脫落, 大約貼了沒幾天開始 ~ 部份閃石脫落 ~ 2邊谷起 雖然講到好多唔好處咁, 但不用等乾是一個極大好處, 上述貼得唔好可能只是我這個手殘女的問題, 你可能貼得好靚架, anyway, $5-60都試得過既, 如果佢可以出多D淺色就更好啦, 話晒有咩甩漏遠睇都唔覺呀嘛
