好開心試用Dermagram的秋冬皇牌護理組合, 組合有3個產品, 除左分別使用,仲可以mix 埋一齊黎用當急救mask, 3個產品分別係recovering essence 草本再生精華, ultra calming mask 水潤修護面膜, ultra nourishing cream 極致修護乳霜 以往我都會專挑敏感肌的牌子使用, 因為最近這幾年, 唔知係咪用產品用得雜左, 明明以前用咩都得, 近年變成幾乎用咩都唔得, 比如韓牌的產品, 一搽立即覺得有刺面感, 又或者轉新產品後立即狂爆瘡!!! 經過最近一年慎選產品, 現在已經有改善啦~ 我最常使用的敏感品牌大多是廣受好評的幾個法國泉水品牌, 試過幾個產品,效果有D好, 有D一般, 而今次試的Dermagram, 是瑞士來的, Dermagram 的產品以天然草本植物製成, 有6大防敏保證, 包括: 低過敏配方, 不含添加色素, 不含人造香料, 不含羊毛脂, 不含致敏防腐劑, 不阻塞毛孔 Dermagram的秋冬皇牌護理組合和很多主打防敏的產品一樣, 包裝走簡約路綫, 牙膏裝的面膜, 不用以手指去挖取, 可以減低污染, 精華素的 "吱吱泵" 也很好控制份量 先看看mask的質地, 界乎gel 同cream之間的質地, 很好推開, 這個筫地的另一個好處是, 不用塗很多啊~ 而mask的成份主要係德國洋菊, 紅海藻, 非常溫和 這是剛睡醒的浮腫樣=___= 經過一晚, 皮膚開始不夠水份, 鼻子有分泌出油份 雖然包裝的direction 係 "apply a generous layer on cleansed face", 不過慳妹如我, 都係試下薄搽, 試下個效果先 (通常唔好用的東東我才會豪邁地使用) 敷完15-20分鐘, 皮膚比較乾淨明亮, 一D敏感的感覺都無, 好安心 然後看精華 草本再生精華, 主要成份有白樺樹精華, 異構醣, 可以紓緩敏感, 深層保濕 我只係用左咁多份量, 不過, instruction 教, 其實可以用多D,然後在面部打圈按摩, 直至吸收, 基本上我這個份量只夠塗在面上而已, 下次豪D, 哈 精華液和很多其他品牌一樣, 是透明呈膠狀, 不過我略嫌它有點不好推, 而且很快乾掉, 即是我塗好精華, 行去拿面霜的時候, 它已經乾了, 使後續的產品有點難推 最後看乳霜 極致修護乳霜一包sample 入面有3gram, 基本上早晚用也可以用到3-4日, 我把它擠在小瓶子, 它的質地比較rich, 油肌可能會不喜歡,不過我是乾肌, 就覺得OK, 而成份有 "塗的Botox" 六胜肽, 白米及石榴成份, 可以減淡幼紋, 抗氧化, 抗衰老, 可否抗衰老就唔知, 不過補濕效果就不錯, 剛搽完皮膚有55%水份, 不過過左幾個鐘就跌到47%, 鎖水力好像一般般 秋冬皇牌護理組合之所以為組合, 即係可以mix up使用, 以1:1:2的份量混合1份精華+1份乳霜+2份面膜, 塗在面上後, 敷25-30分鐘,將面膜輕輕按摩至吸收, 最後以紙巾輕輕印走多餘份量, 這個方法可用以急救/ sleeping mask 架! 產品資訊: recovering essence 草本再生精華 $360/30ML (這個價格... 好像有更好選擇, 比如Dr Wu) ultra calming mask 水潤修護面膜 $290/75ML (以正價來說, 價格和其他品牌都差不多, 不過我用開的水貨Avene, Bioderma 價格就更可愛啦) ultra nourishing cream 極致修護乳霜 $400/45ML (說抗皺的話, 價格還差不多吧, 不過這個效能還不知道呢, btw, 我買了一瓶六胜肽的原料自己mix.... 效果好像更好一點呢, 這個遲下再說)
