9月26日出發我9月23日先Book酒店,我都覺得幾過份... 哈哈~ 本身前一晚諗好Book Skypark 1架啦,睇埋邊道Book平同埋睇下有冇得儲Asia Miles啦~ 好衰唔衰Hotels.com 4晚$1821.79有code平到$1656.17但無得儲Asia Miles~ 但Asia Miles既Expedia就$1821.79有code平到$1685.49~ Asia Miles既Agoda就1927.08~ 咁諗住考慮下先啦,遲一日Book唔會死既~ 點知遲左一日就Hotels.com同Asia Miles個邊既Expedia都無... 咁諗住Book Skypark II啦,個價錢又唔係差好遠wo,就諗咁反正都Book唔到Skypark I Book Skypark II,咁Book Skypark III啦~ 點知Skypark III唔係有錢就Book到,因為都已經無哂... 算,Skypark 2啦,都無得揀啦~ 最後係Asia Miles既Expedia道Book 2間房,一間爸爸同媽媽,一間我同二家姐~ Hotel Skypark Myeongdong II 26 Sep 2015-30 Sep 2015 $1625.92 Hotel Skypark Myeongdong II 26 Sep 2015-1 Oct 2015 $1979.38 Book完酒店已經係凌晨,應該係我Book酒店既時候已經係夜晚12點幾,搞完一大輪野好眼訓未買旅遊保,又遲D先買... 同樣係出發既當日既夜晚12點幾先決定買邊間... 本身都係諗住買番之前講過既渣打既MSIG,但係家姐話好貴,所以今次揀左AIG,以過往既經驗都係買最貴個個~ 雖然話最貴低2個人都係$264,好低呀~ 爸爸媽媽已經買左1年個D所以唔洗理佢,我衣個係單次既~ D行程基本上無plan過,我搵左好多想去既地方就俾二家姐睇,佢搵係邊~ 點解我搵呢係因為同屋企人去太多變數,而且有電話卡,唔識去Y一下or G一下就得啦~ 二家姐男友幫我地係香港買左兩張電話卡,一張$150 7日既2GB,一張唔知幾錢7日1.5GB~ 就是這樣我連行理都係當日買完旅遊保先執,一件衫,化妝袋同護膚袋,相機,一條USB for電話,一條for相機~ 媽媽話唔拎行理,次次去旅行到最後媽媽係買得好多手信,而且爸爸同媽媽用一個行理,爸爸要買手信俾同事,媽媽買手信俾婆婆最後會變左放係我地道~ 因為本身買機票就包20KG行理,點解唔帶呢,唔好蝕嘛~ 最後我個喼放多個喼入去,yeah,再帶多個小小喼~ 出發~
