27 May 2015-Day 6 去到紹興既第三日~ 前一晚唔知係咪晚餐唔乾淨,朝早起身肚痛... 媽媽講到早餐咁好食,我緊係想試下啦,落到去拎左牛奶,香桃牛角包,煙肉,唔太記得啦... 最後食唔落拎左香桃牛角包俾媽媽食,番到上房係床訓下,去下廁所就出去行下啦~ 點知出到去落雨,就問前檯借雨傘啦~ 酒店附近有個咁既野就去行下啦,入面好似個公園咁大但咩都無... 行完就去左書店睇書,哈哈~ 我同媽媽都睇得好開心,重要買左兩本煮野食既書,又大又厚,不過好鬼平... 因為之後個日諗住去杭州所以就睇下食咩好啦~ 點擊圖片放大 +4 雖然有D我食過,但因為覺得嘛嘛所以想試下唔係分店既~ 行完書店就去食野啦~ 唔知點解同屋企人去旅行好少成日影相... 同埋衣家成日見到D野食野前一定要影相覺得有點兒那個,所以... 好多時都無影相... 記得係個商場入面既 Food Court 食野,叫左小籠包,生煎包同牛骨粉絲~ 不過不失啦,唔係太好食~ 因為無野做既關係一早就睇左幾點有場,去睇戲了~ 衣套係同香港同步既,$35一張幾平,記得佢夜D係會貴D既,入到去係大影院而且無咩人睇,可能係平日同下午吧~ 睇完戲對面有間cafe,見到個星星好令所以買,好似CNY22,都唔平而且唔係咁好食... 香港唔飲Happy Lemon係大陸飲,哈哈~ 睇完戲買左個係香港好想食既薯條~ 佢係即整既,但唔知點解唔好食... 又番酒店休息下,hea下~ 番到去見到衣個勁想食囉,可惜去既日子唔岩... 休息左一陣就出去食飯,咁岩出面落雨要去借雨傘~ 出到去都諗唔到食咩,唔知點解大陞好興食辣小龍蝦... 因為我知道D小龍蝦係點黎,所以唔會食~ 我地是但揀左間野食~ 我最鐘意食既海蜇皮~ 我地食得好快就走左,因為有蜘蛛,而且好鬼熱,附近D人重要係道打邊爐... 本身係諗住食少少野之後就去食其他野,點解食完就覺得好飽,番左酒店~ 番到酒店重諗緊後一日留係紹興定去杭州好... 落左樓下問個D酒店人,佢地都好好幫我查好多野~ 點知去到最後我都係想去杭州搵番個好好食豬手,哈哈~ 而決定Book游子酒店式公寓係之前男友有幫我睇過,我自己再睇見到好似有游泳池同兩層式既床,樓底好高,好似外國人個D咁就夜媽媽Book啦~ 咁又過左一日啦... 同媽媽一齊每日都好健康,好早就訓~
