26 May 2015-Day 5 去到紹興既第二日~ 一早就俾電話嘈醒,佢打黎話重有10分鐘後到wo... 我話下唔係9:30咩,雖然我知我報個團係9:30但係我個酒店未必係衣個時間,但個問題係前一晚佢打黎我問佢,佢都話係9:30左右嘛,點會突然8點幾就話出發... 我同佢講無咁快wo,我盡量啦,之後我就快快手起身換衫叫媽媽行啦~ 媽媽就食完早餐,話D野食唔錯,之後個日到我食~ 咁我坐左係大堂等啦,都唔見人,心諗,又話10分鐘到,呃我既~ 去前檯俾個電話號碼佢睇,諗住叫佢地幫我用酒店電話打俾佢,因為我打要收錢嘛,點知佢用番我個電話打... 咁我洗咩叫佢打姐... 終於見到人啦,一心諗住早D起身出去買早餐,點知已經打黎吹我... 上到車,佢話打俾我個陣我話無咁快,佢去左車第二個客先,唉,算啦,可能係我誤會左,個團應該係9:30係到第一個點吧... 其實好快就到魯迅故居,到左要俾回鄉証佢做登記,簽野啦~ 點擊圖片放大 +2 搞完一大輪野,等其他團友呀,重有兩個團友無帶身份證,咁係衣個時候就出去同媽媽影下相咁啦~ 之後搵哂D鴨仔就出發啦~ 點擊圖片放大 +9 明信片係有個小小既位道買既~ 之後我地去左沈園~ 點擊圖片放大 +5 楓葉~ 又哂又熱終於食飯啦~ 炒蜆~ 年糕炒蟹~ 兩個人都已經食到飽飽啦~ 食完就再重車出發啦,食飯時間得40分鐘~ 蘭亭~ 點擊圖片放大 +7 佢地好可愛架,佢地D毛好滑的~ 點擊圖片放大 +4 好似話魯迅細個用水練寫字~ 最後一站,東湖~ 點擊圖片放大 佢有兩種方法游湖既,一係就行一個圈,一係就坐船,咁行會有D地方睇唔到既,所以我覺得最好既方法係去個程坐船,番係行番黎既~ 咁我無坐到船因為媽媽唔會點解話唔坐... 之後咁就完啦,佢俾左份問題咁既野我填,咁佢睇住我填我又唔好意思寫得衰,其實我一D都唔滿意~ 佢係一個好年輕既女仔,咁我地有個團友成日都周圍影相,影到時間過左,咁衣個導遊就唔係咁鐘意啦~ 咁其實講左集合時間又遲到真係唔好,重要次次都係~ 但係佢每個地方都行得好快,好唔情願咁,搞到我地其他團友為左費是俾佢碎碎念跟住佢行咁快,都係因為佢我無咩點影相~ 都算啦,佢首先放底我同媽媽先,就係大馬路放底我地,話介唔介意我地自己行番入去wo... 個下我真係火都黎啦,問番佢,我可唔可以話介意呀,佢笑笑口唔應我... 本身已經唔多鐘意佢架啦,咁成日又累又哂緊係唔係幾想行啦,咁如果當初唔係係酒店放底我地,咁要講清楚架嘛... 行到番酒店hea左陣就出去食野~ 4點幾見到有間野係營養煲就入去啦,入到去得一枱客又無咩冷氣... 一黎好肚餓同埋突然好想打邊爐,已經唔係好理無冷氣,無開燈,又舊... 叫左個烏雞煲CNY88,粉絲,娃娃菜,金菇,木耳,蟹柳,玉米~ 所以野都差唔多香港價錢但每碟都好少... 蟹柳係好假個隻,好難食無食哂~ 粉絲其實係香港個D薯粉黎既,幾好食~ 其實佢除左個蟹柳其他野食ok既,就係份量太少啦~ 到收錢啦,D人顧住傾計,我同媽媽已經起左身亦都見到有一個人見到我地,但唔理我地囉... 最後我講收錢先有人理... 態度服務差到不行... 嬲到我即刻番去開個八度名打食評... 間野叫乾三甲營養雞煲~ 之後就去左附近鮮芋仙食左個甜品,多到就突然好掛住台灣D芋圓~ 黑糖同原味既麻糬,幾好食,不過價錢都唔算平~ 食完野就緊係行陣先啦,去左對面行超市,買左對拖鞋,就番酒店啦~ 實在太累啦,好早就訓左了~
