25 May 2015-Day 4 去到寜波既第四日,紹興既第一日~ 第二日一早起身又係食早餐,爸爸媽媽又係去左問舊屋D野,我又留左係酒店~ 親戚黎左俾左好多野我地,要爸爸帶番香港~ 未Check out前落左樓下食飯,好平D野食都唔差~ Check out完坐左係酒店,因為未夠鐘,本黎想一架的士車我同媽媽去火車站之後車爸爸去機場,點知問酒店D姐姐,佢地建議爸爸坐公車,因為佢大把時間,而係衣個時間佢地重幫我Call的添~ 總括衣間酒店服務幾好,只係俾我地間家庭房有D細,點解我會知,因為入住既第二日見到隔離間房俾人搞婚禮個D,到我Check out個日間D房開左門,我就好8咁周圍睇,見到個D房大D起碼床同電視個隔離有番咁上下,而且有連身鏡... 去到火車站岩岩好,拎埋飛就坐車啦~ 係車道同男友Whatsapp既時候佢就叫我去到買定番黎既飛~ 係呀,我一直都唔記得講點解我有得上網,因為我個好廢既中國聯通有唔知每月有幾多可以大陸免費上網~ 最後我無買到番黎既飛因為個火車站好舊,一出左出口好似去左個無咩人既地方,一出既右手邊有車站但唔係好見到車,一架的士都無... 見到的士同佢講我要去世茂假日酒店,唔9理我,都有少少黑車話幾錢幾錢咁~ 最後我入左係火車站對面既酒店,見到間酒店既價錢好貴而且有D舊,問佢我想去個間酒店點解的士唔車我去,原來5點幾6點個陣收工明明好短路但會好塞車,我用八度睇去個道好似係$9... 個個女仔好好搵左個男職員吧,幫我去搵的士,好不容易咁上左的士,係條橋道真係幾塞車,去到酒店$8佢叫我俾$9是但啦,差$1,不過竟然唔幫我拎行李,連酒店D人都係,雖然我知唔應該有咁既諗法但見我一個瘦到條柴又拎左好多野又睇住媽媽既時候... 唉,算啦,我都預左大陸會係咁... 去到拎住我一早print定既字俾佢睇我book左幾時呀,個D啦,點知佢check完話我知頂唔到,就係個陣我上機個日發生既事... 我估唔到會咁,而且佢話我電話無漫遊打唔到俾我,話攜程個道話收唔到我D咩咩咩... 總知要book過,佢同我講衣家個價點點點呀... 嘩... 好貴呀,又同我講搞左咁耐,不如3晚xxx咁多錢啦再送2個早餐俾你啦,話是話佢個早餐一個要CNY110囉~ 我用佢地個wifi繼續同我男友保持通話,老實講我有少少心動,一黎唔洗煩二黎個早餐可以醫住個肚食少少再搵其他野食都好D嘛... 點知我男友話我個早餐要黎做咩wo,3晚咁book貴過攜程個道book咁多... 之後我又諗咁反正都要再book過,咁3晚好定2晚好呢... 係衣個時候~ 我見到張咁既野,喂,係咪好正先,咁就即刻諗好後一日行程,咁之後呢? 我勁問男友點呀,問個個姐姐,點點點呀~ 其實紹興玩幾多日呀? 紹興有咩玩呀? 呀,衣道附近有咩食咩? 邊間好食呀? 係咪紹興酒好出名呀? 邊支好呀? 個陣好亂,最後決定叫男友係香港先幫我定兩日,個個姐姐又講我可以去杭州,雖然去過但我好掛住D豬手... 最後男友係攜程幫我book左兩日,同時我都叫姐姐幫我book埋第二日去一日遊,要等攜程覆email等no.咁姐姐就叫我俾資料佢book~ 個姐姐問我有無電話,本身我都唔諗住俾,因為我電話聽同打都要俾錢,最後費是麻煩俾左,都係等既同時去左姐姐介紹既地方食晚餐~ 就係衣個半俸菜,個姐姐講到好好食咁,就聽佢講啦,佢話地道wo~ 海鮮落粉絲我好明,但點解娃娃菜要落粉絲同豉油呢? 咸到傻呀... 你話平唔平,又唔係平wo,D野又麻麻wo... 係食野個陣個團打黎話10:30無團要我9:30個個,10:30可以訓耐D嘛... 咁無計啦,9:30啦! 覺得唔好食所以食左衣兩樣就算,哈哈,我好似刻薄媽媽咁... 但真係唔好食嘛,諗住搵個間再食既~ 出到去見到有間士多就去買左D野食野飲諗住做第二日既早餐啦~ 唔好飲既... 食完番酒店就搞好啦,個姐姐無啦啦話有一個早餐wo... 其實我到衣家都唔知點解會有早餐,重要得一個... 因為男友幫我book個陣無既... 咁無所謂啦,我話叫媽媽去食,我早D起身買早餐食,我都唔知我自己那裡來的霸氣話早起身... 明明係沙巴個陣我日日都賴床,明明講左早D起身坐底食早餐,點知日日都遲起身... 最後上左酒店,入到去,嘩... 搞咁耐都抵番哂呀,又大又令,哈哈~ 我的確有點興奮,係個電視機細左D唔岩比例姐,哈哈~ 間房望到出面湖架,同衣道附近好多野食,好繁華,同火車站十分唔同的~ 沖涼訓教教定個鬧鐘第日起身啦~
