話說點解無啦啦會同媽媽去旅行,事原係大家姐生左個仔,媽媽話之後要湊孫冇時間去玩... 所以咁岩我又辭左工想我陪~ 起初我同我男友加二家姐同男友一早訂左機票5月5去沙巴既,咁係4月尾既某一個晚上,當我番到屋企既時候,爸爸無啦啦話幫媽媽訂機票同我地一齊去沙巴... 個問題係媽媽一向唔鐘意熱... 心諗,佢地玩咩... 咁岩5月25日係佛誕爸爸放假所以佢又話叫我一齊去旅行,又係要我諗去邊,係某日佢同我講話不如報團去韓國,雖然我都好鐘意,因為實在太好多多食既野,好下飯,哈哈~ 不過最後都係俾我ban左,原因係韓國野食辣,而且跟團好無聊會去D我爸爸鐘意但媽媽同我嘛嘛既地方,加上每日都太趕啦,不過當我係寧波睇到新聞話韓國有事既時候都覺得好彩無去,唔係實擔心會唔會出事... 最後我係我沙巴出發既個一日就買左機票,因為當時HK Express出左平機票~ 爸爸機票: 22-25 May,2015 $1136 (票價: $640+其他費用及稅項: $496) 媽媽機票: 22 May-2 Jun,2015 $936 (票價: $440+其他費用及稅項: $496) 我機票: 22 May-2 Jun,2015 $1139 (票價: $343+其他費用及稅項: $496+託運行李來回: $300) 當時我係分開買既,睇既時候最平要去由22 May-2 Jun,2015,諗住買既時候發覺平既得番一張所以快快手打資料,雖然媽媽個張貴左$100但我都覺得幾平,因為平時都要千幾,而爸爸紅日番黎貴D係正常既~ 酒店係我去完沙巴番黎開始搵,上攜程搵因為我都唔知中國既酒店應該去邊道訂,衣家好似有個叫【去那兒】都係朋友同我講未試過,總知我又係係出發既前一晚先Book哂酒店同火車,重有保險~ 22-25 May 寧波文華逸致酒店 CNY747包早餐 25-28 May 紹興世茂假日酒店 HKD1376.58不包早餐 28-29 May 游子酒店式公寓（杭州西湖東方金座店） CNY298不包早餐 29 May-2 Jun 寧波嘉和大酒店 CNY1264包早餐 寧波去紹興既火車票都係攜程訂既,記得係男朋友用支付寶幫我俾,好似重有手續費,因為我當初唔敢咩都無準備好,因為同媽媽去嘛~ 保險我係用渣打既MSIG,要係渣打既MSIG先好既,而選擇佢係沙巴個陣都係用衣個,原因係沙巴我地去潛水所以想揀有得保既,打俾D人問佢地係答份保單無寫唔包就包~ 佢有標準計劃同尊貴計劃,我都係揀貴D個個因為最高賠償額多D~ Single Trip - Deluxe Plan 單次旅程 - 尊貴計劃 爸爸: $128.15 媽媽同我: $556.6 準備出發!
