最近因為太忙, 荒廢了個BLOG好幾個月了! -,- 終等到假期抽到少少時間出嚟打下BLOG~~ 我囉張紙出嚟抄抄有D咩未寫, 發現都不少! 相就影咗一大埋, 但就是沒時間坐定定寫（╯︿╰） 今次寫個近期D的東西! 我近期囉咗Shu Uemura 的SAMPLE 嚟試用! 我一直都未用過Shu Uemura的產品, 見到Facebook有Sample囉, 咁我就去囉! ≧▽≦y 以前都有諗過買佢的Product, 但係上次去朗豪坊個間逛時, 個到D SALES 姐姐超白鴿眼(這是我個人感覺) 好唔想理你, 你囉起佢D TESTER, 佢個樣係好唔想你去試咁! (以上是早一, 兩年的體驗) (〝O〞)~~~ 今次抱住一個但試無妨的心態去囉(／_＼),話知佢對住我黑口黑面LA! 但今次唔係去朗豪坊, 今次去咗屯門個間囉! 開頭以為囉SAMPLE唔買野, 又會睇人面口, 呢次個SALES 姐姐真係好LIKE同好有心機解釋俾我聽（*^‧^*） 雖然時間唔長, 但清楚明白!! 講番個PRODUCT先, 裡面包括透亮淨肌潔顏油, TSUYA光感新肌精華, 妝前泡沬底霜SPF35PA+++ 首先講吓妝前泡沫底霜先 Sale 姐姐話因為係Sample冇得俾我試吓佢個泡沫係點, 但佢可以俾TESTER我試, 不過我見個日去到佢地都差唔多收工, 所以就冇試, 佢呢支底霜有防UA功效, 而且好貼服, 好持久! 咁啱我用個日係剛搬到新公司的日子, 又要unpack, 成身汗, 但個妝都有溶! 用咗好似冇用咁, 好自然~~ 另外, TSUYA光感新肌精華, 一打開包裝, 嘩! D 顏色好靚~ 珍珠白加有D夢幻!! 佢的功用是開啟年輕光感肌! 坦白說, 用一次不能說它好不好用, 但係唔笠, 微香! 對佢都有好感, 但以我記得個價錢就很反感, 因為唔平!! 最後是佢好出名的透亮淨肌潔顏油, 我一向都唔愛用油的, 因為好麻煩!! 不過有Sample就用吓LA~ 其實我唔覺得有咩特別, 不過清洗時, 入咗眼, 都唔會太唔舒服 點擊圖片放大 +2 這方面好過Neutrogena! 但我足足落咗兩次油都洗唔脫我D 眼線!! 係KATE眼線太利害, 還是呢支油唔得呢? 用完, 我再用紅水洗一次, 結果...... 唉!!! 仲有粉底未除, 眼部要再用Maybeline 眼部卸妝液才卸去~~~ 以上3樣都OK, 但其中潔顏油令我有少少失望~~~
