宅咗係屋企幾日, 今日被D FD仔約咗去烚吓烚吓! 咁就順個便早D出去睇個戲! 其實都好鍾意一個人去睇! 出到去可以自己鍾意睇邊間就睇邊間, 睇咩就睇咩!唔洗煩!~~~ 好似今日咁, 原本諗住去電影中心睇「孤星淚」 點知俾櫃員機食我錢, 扣我錢又唔俾錢我! 搞到我遲咗出門口, 好彩而家有流動上網, 我可以知道仲有冇位! 我見去到旺角, 電影中心得番頭3行, THE ONE又FULL, 旺角百老匯又趕唔切, 朗豪坊去FULL 最後我一支箭跑去仲有好多位的奧海城! 臨開場十分鐘終於買到!! 仲夠時間買野食同去豬豬! HEHE 我講番正題「孤星淚」, 一套我等咗半年的作品! 以前睇動畫版已經好鐘意呢套作品。 今次睇完, 唔知係唔係已經知道個劇情!! 比我想像中好D, 冇咩喊到!! 係到最後見到Gavroche 最後收集子彈被殺! 同埋Jean Valijean 最後死個part我忍唔住喊咗! 呢套劇用歌劇去演出,其實可能我睇唔慣, 我一直都知佢係歌舞片, 但我以為好似The Sound of Music 或者魔街理髮師個D 有對白的歌舞片, 但原來係歌劇, 都幾有趣! 我一直諗住佢會以Cosette 為主, 因為動畫係以Cosette講呢個故事! 點知佢以Jean Valijean 為骨幹, 同埋放咗好多時間去講佢同Fantine的故事 我以為因Anne Jacqueline Hathaway 演的Fantine好少出場!(因為我好鍾意Anne) 點知佢都幾多戲份同都得好好! 仲剪咗佢把好靚長髮! T.T 不過成套戲做得最好係Hugh Jackman 演的Jean Valijean!! 實在係太好!! 好好戲! 如果你問我好唔好睇 我只可以話, ok!! 因為我知道個劇情!! 不過都值得睇 , 因為d 場景好得 同埋Helena Bonham Carter 真係好好笑! 但唔愛文藝片同歌劇朋友就要三思! 可能你會悶到瞓著! ZZZZZ
