今日同大家分享日本留學經驗！ 有興趣去日本留學朋友請閱讀or share俾你身邊既朋友仔 時不時我會做下留學顧問。每當我問到對方 你黎日本既目標係咩？既時候、 對方多數答 想係日本囉！ 嗯⋯我明白喱個心情！但黎左日本咁之後呢？ 對方答：唔知丫～如果想留係日本可以點做丫？ E...乜我變左走人蛇咩？笑 其實搵工或者讀大學讀專門之前都要係日本語言學校畢業先有資格、 當然仲要能力試合格同番學出席率合格先得！ 之後果位小妹妹突然就黎左日本讀日語學校、 佢問我：我之後讀大學好定搵工好、搵工搵咩工好？讀大學讀咩好？ E…我做埋人生顧問！？笑 對住一隻迷途羔羊、我發覺自己答咩答案其實都無用、未諗到目標唔緊要！ 學好左日文先、將來自然選擇就變多！ 就係日本讀左一年日語學校之後、 佢同我講：我決定番香港、又唔知點搵工讀大學又唔知出到黎做咩、 又溝唔到日本仔⋯ 屋企人話我係日本無用 我都覺得岩所以決定番香港！ 係日本淨係同中國人玩、日文又學唔好、 反而學識左普通話、咁都無工請我架啦 喱個就係無目標 漫無目的地享受左一年日本生活得出黎既答案！ 淨係我聽都已經唔止一個兩個、一年時間你可能會話我年輕有既係時間、 但喱一年時間可能會影響你既將來你既一生！ 黎之前諗一諗自己有咩目標、而家無唔緊要、先把目標放係學日文身上、 同自己講最基本一定要學好日文！唔係想讀咩溝咩架仔都無自己份！ 我都係一樣本來黎日本都只係想學好日文、日文有進步能力試又合格、 就再想試試自己既能力、去左讀專門 web design 、 讀完就想試下自己係日本公司適唔適應到、去搵工去面試、番左一輪part time 、 覺得自己都可能有機會係日本發展、就到而家 目標唔需要諗到太遠大、逐少逐少向前、你自己會見到之後想行既路！ 歡迎大家留言問我留學問題！ 為自己加油吧！ 有興趣緊貼我係東京既生活 , 歡迎你黎到我既FBPAGE https://www.facebook.com/yukipp.webdesigner
