早排收到呢一個Gurupang先知原來最近韓國超HIT啊! 不過就咁望落去其實又真係完全唔知點樣入手去用 上網做左d research, 睇左d片咁學下學下就開始掌握到少少 (起碼唔會燙傷先啦*笑*) 但我…又真係好似太長^^; 咁就唯有試用係瀏海度比大家睇下啦! 其實一d都唔難架, 應該比捲髮捧易用 其實呢個捲應該適合一d頭髮唔太長既人用 先同大家一齊開箱先 呢個襯晒我既粉紅色化妝袋裝住2大包既捲芯同手柄 另外一枝就係用之前噴, 可以確保佢keep得耐d架 拎晒出黎發現原來捲芯希3個size架 細/中/大, 分別比唔同長度既朋友或者係想要唔同捲度既朋友 好貼心啊~ 以下係我每一朝起身既指定動作... 因為d瀏海經常都阻住我化妝, 所以我通常起身會即時夾起佢, 再刷牙洗面 所以會夾到d瀏海有個控 平時出門口前都會用捲髮捧去捲下佢先架 解左個夾d瀏海完全係唔受控制咁側晒一邊, 堆埋一舊咁 今次我就用呢個方法去試下唔用熱力可唔可以還原返佢先 等我d頭髮唔洗咁傷嘛! 研究左一陣發現原來都幾易用架喎 同梳頭冇咩分別, 又唔洗用熱力 首先我會將前面既瀏海分做2 parts先 之後就一梳梳到尾XD 由尾開始捲佢上去啦 捲好之後就咁就將佢個柄拉返出黎 個捲芯就會hold住左架啦 如此類推咁將淨低既頭髮捲埋佢就搞掂啦 係咪好簡單呢~^^ 說明書話要等5分鐘就得架啦~ 不過我諗如果等耐d都冇所謂啦 因為佢又冇熱力, 擺得耐又唔傷頭髮 可能效果會仲好添啊! 好, 我就比大家睇下我5分鐘既效果 好自然啊, d頭髮變返正常啦! 唔會好似用捲髮捧捲完有時太過生硬既感覺 仲有d似空氣瀏海啊 如果頭髮短既朋友仲可以用呢個黎整梨花頭架 下次等我搵個model整比大家睇下啦~ :) 如果大家有興趣既話可以去Hair Corner既e-shop度買架 買既時候入我個code仲可以有95折添啊! http://shop.hair-corner.com/hk/products/Beauty%2520Bakery/258 code: yukari 以上產品由Hair Corner提供
