第一篇 就由剛完結既東京4日4夜既第一日開始啦。 同一碌竹在一起已經接近9年，終於第一次(!!)兩個人去旅行，之前都唔係冇試過，但同一大班人囉，咩都唔使理，所以今次其實有少少緊張。 今次機票係趁HK Express做回程 $0 Promotion搶既，連行李除開每人都係 $1,600，唔算最平但不過不失啦而且可以玩足4日。出發時間夜晚23:55，到達東京羽田機場05:05，可以放工慢慢返屋企拎埋行李去機場，請少一日假留黎下次旅行用XD；回程就01:20出發，04:55到HK；鍾意玩命既朋友返到HK仲趕得切返工！ 朋友聽到我搭HK Express都話會delay，細問之下佢地其實都係聽其他人講。我要幫手澄清一下先，HK Express 我搭過3次，一次去台中，一次布吉同今次東京，3次都係比原定時間早到達目的地，回港亦都係比原定時間早返到HK。 由於我地諗住到機場先食野所以都算早check-in，唔知係咪因為早呢，地勤哥哥好好咁幫我地upgrade左去機倉既13行(第12 & 13行係緊急逃生出口，所以個位闊好多，伸直晒對腳都唔會掂到前面個行！)，平時如果揀呢2行位，每人要加多$160架！所以可以既話最好都係早d check in有著數！ 5點落機一出就見到大大個咸蛋黃迎接我地啦，呢個日出真係令我覺得有d感動，搭咁早超眼訓都有返少少值得 :lol: 之前都有搵下睇下有冇人之前都係搭呢班機諗住跟下D行程，點知唔係好搵到就算啦，咁早到落機識去一定去築地食壽司啦我心諗。所以我地選擇一落機連野都唔放酒店就去左築地先，出左機場搭京濱急行去到大門站再轉都營大江戶線到築地市場站A1出口，唔使半個鐘就到啦；去到大概6:30am，一心想去試試壽司大，睇下係咪真係講到好味到咁，諗住咁早實唔使等太耐啦。。 去到門口真係見到得13個人心諗仲唔發達，點知係我太天真 :roll: 壽司大為左令排隊既人唔好阻住其他店舖，條隊係分開3截咁排，你話好多好多人又唔算，有個蛇餅仔，我地諗住一場黎到，目測2個鐘應該可以掛，就轄出去啦橫掂咁早都冇咩地方去。。。 好似好少人! 其實後面仲有好多人排緊.... 最後......憑住我地堅定不移既決心，我地排左4個鐘（都曬左4個鐘，超好太陽，壽司大既姐姐會出黎派遮)，係4個鐘!! 6:30排到10:30先有得食，諗極唔明點解要排咁耐，入到去謎底終於揭開啦，原來間舖只有12個位，比大和壽司有20個位少8個，唔怪得耐過大和咁多啦!!我有理由相信D人覺得佢好味到飛天係因為佢地等得太耐太肚餓!!!肚餓時食既野不嬲都超好味啦。Menu只有2個set揀，一個係 Omakase (即係師傅會因應當日時令食材幫係揀) - 4,000 yen有10件+1件，意思係你食完師傅幫你揀既10件之後你可以自己係menu任揀多一件，個set本身冇既都得。另一個係7件既set - 2,600 yen，因為7件真係唔夠我填肚所以有d咩我冇深究。壽司係逐件逐件上，你食完一件先即刻整下一件俾你，期間師傅會同你傾偈，介紹每一件係咩魚咩海鮮，會唔俾你點豉油，因為舊飯本身已經調左味夠晒味。講返Omakase，海膽、大拖羅同赤貝我真係覺得好新鮮好正好好味，但其他都唔係話好特別，但係好食既。 負責我地個邊既師傅 =] 點擊圖片放大 +8 認真講，壽司大係好味既，食材都係超級新鮮，但對我黎講又唔係話真係好好好好味到值得用4個鐘去等囉，可能附近幾間都有差唔多水準，係俾人煲大左(?)總之一句講晒，唔使排隊就一定會食，要排就食第2間!! 食完行一陣買埋築地必買既松露玉子就返酒店放低ｄ行李。由於原本計劃好既行程只有一日係新宿個邊，所以我地冇住係新宿，選擇左住係品川既 Sotetsu Fresa Inn - Tamachi，係JR田町站行去唔使10分鐘，都算方便既，又算平，3晚酒店都只係$1,600。 3點先可以check in，唯有坐低等等啦，頭先等築地仲要拎住個 gip d HP 已經用得7788...要緊急補眠!! Lobby係簡單整齊裝修，近lift位置有個櫃放左d用品，上層有茶包(勁多隻味)、化妝棉，Shower cap，下層個d係浴鹽黎架唔好拎錯XD。不過其實房內洗手間除左浴鹽之外其他都有提供，再要先落Lobby拎吧。 期間有件事好好笑，話說搞掂 check in 手續後上到房(尾房)見到清潔姐姐仲執緊房，我又記得我係 expedia 訂房時話過唔要尾房既(寧可信其有)，咁我就落返 lobby 同 reception d 人講話唔要尾房啦，佢就話 OKOK, sorry 咁啦，等左一陣佢換左第2張匙卡俾我話間房ready啦，上到去發現新個間房只係我原本間房既對面....即係都係尾房 =.= 日本人既英文真係........ 房間我都冇影啦(都係寧可信其有既關係)，都係一般日本好細間既房，之前爬文見到過有人話d房細到連 gip 都開唔到，我慶幸間房開到我個超大 gip 之餘仲夠位放個大背囊!! 夜晚約左係日本工作既朋友係新宿食飯，佢帶左我地去一間叫"鳥貴族"食串燒類似居酒屋既地方，好抵食喎成個menu+drink menu所有野都係 280 yen 一款。而且味道都好好!! 不過都係要等，可能係星期5既關係，好多人@@ 點擊圖片放大 +2 明太子雞肉，正!! 呢個話係招牌燒鳥，好食! 雞肝，本身超鍾意食，超正!點擊圖片放大 最後成個筒滿晒簽，好滿足 :-P 3個人食到飽飽都係6,000 yen有找!! 食完太飽就梗係要做下運動啦，對上一次黎東京住E-hotel，隔離有個棒球練習場成日好想試下，而且仲開到4am，今次終於有機會啦!! 所謂的練習場係利用機器，俾人進行擊球同投球遊戲。我地梗係試擊球啦，因為香港好難玩到嘛；擊球有分唔同速度既埸，300 yen 有 22 球，入錢落部機度揀返速度就開始啦，我地揀左80/km試試。。。。好難!!!! 見到隔離d人打到球球全壘打咁而且後面有人等緊，玩左4次就放棄lu，真係好難hahahahaha!! 第1日 -完-
