平日喜歡放工後同朋友去飲返兩杯,順便吃個晚餐, 尖咀除左諾士佛臺可以同朋友暢談飲野之外, 我發現這家MINI CLUB氣氛都唔錯,決定同朋友一齊入去試試~ 睇一睇張Menu菜式唔算好多,但每款都看肉非常美味! 由其是蠔同芝士火煱特別吸引,$388包括生蠔、小吃、主菜, 重包埋一支紅/白酒,真係好抵食! 即開生蠔夠新鮮,海水味比較淡,肉質新嫩多汁, 不知不覺已吃下幾隻,配以紅酒一流! 接下來當然唔少得啤酒配炸雞,呵呵~ 炸雞香脆肉嫩,全是雞鎚沒有偷工減料,加上泰式的甜醋汁真的好野味, 另外還點了雞翼和魚餅等等,做伴酒菜一絕! 另外我還點了一杯香蕉特飲,加入了百利甜酒和香蕉打成沙冰, 甜甜的容易入口,岩晒女仔飲,有點似香蕉奶昔。 主角瑞士芝士火鍋來了,看賣相已經流晒水口, 配料切成一口大小放在火旁。 芝士汁非常濃郁,有濃厚的芝士味,不太酸偏咸香, 碟邊有點焦焦的真的很香噴噴~ 吃素的朋友都照顧到,蔬菜都是新鮮沒有冷藏味。 炸薯條和麵包粒是必備的,香脆口感加上芝士汁好香口。 千萬不要浸太久,輕輕沾到芝士汁馬上吃掉,保留香脆感。 另外還有火腿、香腸、鴨胸等肉類,全都已經熟了, 只需要稍為沾到芝士加熱就已經非常美味。 海鮮配芝士亦是絕配,如果這刻有多士的話, 我會把煙三文魚配以芝士醬夾多士一起吃, 想起都已經流口水,一百多元絕對超值!