上月啱啱生完B仔「小海綿」嘅Angelababy有樣、有身材、有事業、有家庭，都算係好多人口中嘅「人生勝利組」，近排仲俾網民發現佢原來仲好「多才多藝」添！ 原來去年中Baby出席「美麗中國」慈善拍賣會，就好大方咁捐出自己嘅第一幅名為《未來》嘅畫作。佢呢幅畫以未來世界為出發點，描繪出少女心目中嘅粉紅色世界，再加上一個象徵未來科技同乘載人類文明嘅宇宙飛船同代表生命嘅雀仔，真係科幻感十足。Baby仲話希望呢幅畫可以祝福每個小朋友都有美好嘅未來，而呢幅畫作最後更以人民幣18萬元（約20萬港幣）高價賣出。 藝術嘅嘢小篇真係識條_咩，唔少網民表示呢幅作品「根本唔值咁多錢」、「18蚊都嫌多」、「買家係唔係姓黃」、「完全侮辱藝術工作者」等等。不過話晒Baby今次都係做善事，希望各位都係高抬貴手啦！ 文章轉自：https://hk.celebrity.yahoo.com/angelababy畫作20萬賣出-網民買家係唔係姓黃-065539514.html
