朝早食完早餐之後,就由Khiva返去Urgench搭飛機一個鐘飛機去布哈拉。原本要坐9個鐘車由Khiva穿越克孜勒庫姆沙漠到布哈拉的,不過我地既agent話果條路而家維修中,要用11個鐘先可以走完,所以建議我地搭飛機就算。響飛機上看克孜勒庫姆沙漠,又係另一翻感覺。 冒死影的。手寫既boarding pass,你見過未?響中亞,盡量都唔好響機場,地鐵站裡面影相,免除不必要的麻煩係好緊要的。 點擊圖片放大 鳥瞰克孜勒庫姆沙漠~ 布哈拉這名字,起源自”Vikhara” , 梵文意指”修道院”。是<<天方夜譚>> 中"阿里巴巴與四十大盜"故事發生之地方。曾是絲綢之路上的重要停駐點, 在絲路貿易鼎盛時代,也曾因伊斯蘭教傳入,成為該教的學術重鎮。居民至今還把該城叫做「布哈拉伊夏立夫」,意思是「高貴的布哈拉城」。 烏茲別克的第三大城,位於澤拉夫尚河三角洲畔,沙赫庫德運河貫穿,全城古蹟和現代建物並存,城市大約建於一世紀前,九至十世紀時為薩曼王國的國都,1220年為成吉思汗所佔,1370年落入帖木兒之手,在此之前布哈拉一直由卡拉罕王朝及契丹人所控制。 在十六世紀中葉烏茲別克的謝巴尼德人建都於此,史稱布哈拉汗國,中國古書中稱之為不花刺、新唐書中的戊地國、唐代招武九姓中的畢國、安國,均指是布哈拉汗國。 二十世紀中葉發現了大量天然氣,俄羅斯人開始大力重建,城市發展迅速,惟舊城部分仍保有昔日風貌,如清真寺、神學院,和磚坯平頂屋加上蓬蓋的集市遺址。 因為搭飛機既關係,只係用左1個鐘多d就響Urgench去到Bukhara。領左行李之後,一出到去就見到黎接我地既司機哥哥,之後就即刻驅車去酒店,放低野就去左食個午飯,就係因為賺多左幾個鐘,我地下晝仲可以去古城外既市郊遊覽添。 食飯既餐廳LP都有介紹,叫Minzifa, 位置頗為隱蔽,要轉入小巷先會見到。 餐廳之環境 點擊圖片放大 中亞傳統的手抓飯,只係下晝先有得食架咋~ 我在中亞的至愛。當地傳統的拉麵(Lagman)~ 聽說係中國傳入的!!!! 午飯過後,返左酒店準備一下下晝出去既裝備,大約兩點鐘就同司機哥哥同導遊嬸嬸會合,坐半個鐘頭車到布哈拉古城外圍既古蹟開始遊覽喇。 今日先出去布哈拉古城既外圍遊覽,去左3大個景點。 1.Bakhautdin Naqshband Mausoleum 第一個係Bakhautdin Naqshband Mausoleum這陵坐落於布哈拉以東的Kasri Orifon 村內。蘇菲派重要聖地。於這裡長眠的Bakhautdin Naqshband,係一個響中亞最有影響力的蘇菲派教團創建者之一。亦係布哈拉非正式的”守護神”。 陵園裡面之環境 點擊圖片放大 陵園內的許願樹。聽導遊auntie講,只要用背脊貼住樹幹行過去就可以願望成真,我都俾auntie叫我咁做呢,哈哈。 2.Emir’s Summer Palace 第二站係埃米爾夏宮(Emir’s Summer Palace)。又稱星月花園。這裡是最後一位埃米爾阿里木河汗(Emir Alim Khan)的夏宮。係由俄國建築師和當地工匠共同努力的結晶。成座建築起既時候冇用過一粒釘,可見當地工匠的工藝有幾精湛。 其實我地下晝時份行果陣都幾熱,完全唔明點解會響度整個"夏宮"....... 點擊圖片放大 星月花園,並唔係浪得虛名。裡面真係好多野都係用星星月亮做主題架。 3. Chor-Bakr 最後一站,係Chor-Bakr (大墓地)。是一個被過度修復既古蹟。全部都係睇墳墓。當中最特別既,係Abu-Bakr既墳墓。佢係穆罕默德先知最好既朋友。個人覺得呢個景點有點搵笨,我一張相都冇影就出返黎喇。我地去參觀既時候係日落時份,周圍冇咩人,果陣仲要係農曆7月,其實真係有少少寒。 去完呢3個景點,就返返入去古城喇。行左一陣就去搵食,去左一間叫Lyabi-Hauz既水池餐廳食飯。 是日餐單: 超重口味 ,咸到喊既雞肉串燒。但係呢個就係中亞style~之後睇返其他人講響當地其他地方食既串燒一樣都係咸到喊。 羊肉湯餃+有飯既沙律~ 食飽飽之後,我地就響酒店附近行左陣就返歸,點知行行下聽到有人同我地講 ”Hello, my friend.”,因為係夜晚,下意識保護自己冇理到。後來諗返,叫我地既應該係響Khiva 認識仲叫人出去飲野果個意大利人囉。聽日會響布哈拉古城裡面暢遊~