2014 去得更盡更遠 到同香港距離好遠嘅南美 點擊圖片放大 由買左機票嗰刻開始就真係可以去得到喇!!感覺興奮又好唔實在!! 出發前聽過無數嗰度有幾危險啲罪案有幾勁地方有幾落後嘅傳聞，巧驚驚咁:( 不過呢啲都唔夠上機前地勤話俾我地聽由多哈去Buenos Aires嗰~24hrs程機無得一齊坐咁驚 我地都已經ready要sit/social with strange strangers 咖喇，但臨上機前又無啦啦話有得一齊坐返 @.@ HK-->Doha 8hrs + Doha-->BA 24hrs呢程大長途機搭到天昏地暗。忘記左咩係日夜亦都完全唔知自己飛到去邊，飛機個廁所又愈來愈污糟 :( 搭左一個世紀，我！地！終！於！到！B ! A ! laaaaaaa !!!!!!!! 好感動 BA嘅月亮同星星都掛得低低的。hello : ) 搭的士返到好舒服的APARTMENT 喺度遇到呢個trip第一個遇到嘅好人：counter 煲緊劇嘅大隻receptionist ：）我地因為開唔到門同有舊嘢漏水煩左佢兩次。嗰度個setting 係我地要特登落去搵佢，佢要鎖大門一輪再跟我上去。同佢喺架細細嘅lift 相處嗰兩個一分鐘......嗰種相對100%無言加少少壓迫感再加唔好意思煩住佢嘅感覺真係odd到爆XDXD 最後喺佢講西班牙文我地講英文嘅情況下佢都幫我地settle 晒所有嘢:)有時溝唔溝通到真係可能同語言無關的。 佢咁nice 我地都真係唔想阻佢煲劇，所以慶幸無第三次。我都怕如果有第三次，喺第三個搭lift一分鐘我會習慣左嗰種odd lol 咁我個人就變得更odd了 阿根廷同香港有十一個鐘時差，不過我地完全無jet lag。 雖然來到南美只係幾個鐘，但我已經覺得我會愛上呢度: )
