平日無論做幾多護膚程序 搽幾靚的skin care 如果無做好第一步 – 清潔, 所有野都係徒勞無功 因為每日外出 面上就會沾上塵埃污垢加上油脂分泌 面上角質層增生 種種一切 都會令毛孔阻塞 如沒清潔好就塗上護膚品 更可能會引發暗瘡等問題 今次就試下Dream Skin呢個韓國品牌的零毛孔蝸牛清潔系列 佢有3件產品::: (1) 零毛孔蝸牛美白彈力洗面泡泡 Snail Whitening Bubble Cleanser 零售價：HK $ 109／120 ml 主要成分： - 蝸牛分泌物濾液 ＊ 消炎、保濕 ＊ 美白去印、平衡油脂分泌 - 斗蓬草萃取 ＊ 軟化角質、收細毛孔 ＊ 美白肌膚、增加透明感 - 歐蓍草萃取 ＊ 紓緩、修護 ＊ 對抗紫外線及環境侵害 使用方法： 先上下搖晃樽身 後擠出約乒乓球大小的泡泡於掌心 讓泡泡停留在臉上約5-10秒鐘，再用手稍微按摩臉部 後以清水洗淨。建議每天早晚使用。 用後感::: 我當佢日常清潔早晚用，使用時記得上下搖勻先去吱 如果唔係會難少少吱，而且吱出來時會稀一點 對我來講日常潔面產品，其實效果一定唔會話好似佢講嘅咁多效合一啦 >> 佢稱可以::: 深層潔淨，抑制油脂分泌，平衡pH值；同時增加肌膚活性及彈力，收細毛孔，淨白膚色，令肌膚細緻粉嫩有光澤。縱使於炎炎夏日，肌膚亦能保持潔淨無瑕 講真你洗個面最多1-2分鐘完成, 成份係面上就係1-2分鐘就沖水 吸收到幾多,大家都知,我最緊要係潔淨力高 但唔會令皮膚洗完之後乾爭爭, 好似扯實皮膚咁 如果太乾皮膚好快又會分泌油脂去保護水份 咁到時又得不償失啦 影響到後面的護膚品吸收 呢一隻cleanser都做到潔淨而且不乾燥,大概就係蝸牛的保濕功效 泡泡有少少涼涼地的感覺 夏天用好舒服 秋冬天用都唔會話太乾燥 而佢都有優點同缺點的 先講優點:: 佢包裝衛生 完全密封 包無空氣入到去 而且一按就有棉密泡泡用 超方便 唔使打泡打餐死 泡泡出來質地好滑似mousse又似cream 按摩起上來都順手 唔需要用力去捽 唔會扯傷皮膚 缺點就係:: 同樣係包裝問題 唔環保呀!!<<((咁你講哂啦!!!又話好又話唔好)) 呢點睇下大家點睇啦,想方便唯有用壓縮樽啦>< 另外120ml 你咪以為用得好耐呀 我前後用左唔夠1個月呀 已經唔係日日用 但都咁快用哂 應該同佢壓縮有關??? 最後果少少好難吱出來呀 最終用到聽到入面仲有好少好少液體時吱唔出掉了 平日1枝洗面膏/洗面泡都用得好耐下 呢枝就真係快左少少 (2) 零毛孔蝸牛美白去角質泡泡 Snail Whitening Peeling Mousse 零售價：HK$109 / 120ml 主要成分： - 蝸牛分泌物濾液 ＊ 防敏、保濕 ＊ 美白、去痘印 - 綠茶 ＊ 對抗自由基 ＊ 抗氧化 - 蘆薈 ＊ 紓緩及鎮靜肌膚 ＊ 修護、保濕 - 西柚 ＊ 去除肌膚老化細胞 ＊ 平衡油脂分泌、穩定肌膚 使用方法： 潔面後，印乾面上水份,取適量的去角質泡泡 <<無第1隻泡湘咁棉密 好快就走泡變稀 均勻塗抹於乾爽面部(避開眼部及唇部位置) 輕輕打圈按摩，擦走多餘角質及污垢 以溫水清洗乾淨，再進行日常的保養程序。建議每週使用2-3次。 佢樽口似平日係超市見到有得買的吱吱忌廉, 所以使用上我建議大家搖勻後,上下倒轉(upside down)吱會易吱好多 同樣潔面產品 呢隻係以去角質為主 佢話有以下10大功效:: 1. 黑頭粉刺一擦清 2. 去角質 3. 收細毛孔 4. 預防及改善痘痘 5. 淡化痘印 6. 美白保濕 7. 控制皮脂分泌 8. 平衡肌膚pH值 9. 抗氧化 10. 防敏感 用後感::: 都係個句啦 潔面我都唔覺得會有咩護膚功效啦 而且一定要長期作戰毛孔先會收細皮膚先會變好 但單睇清潔去角質方面都ok 清洗完見到鼻翼位置粉剌清左 打圈按摩後會見到有少許碎屑但唔似一般去角質產品咁 係加上某成份做到捽到好多擦膠碎的假象 你知啦用左咁多件去角質產品被潛移默化了咁多年 初初以為枝野無料到 捽唔去過厚角質呀XD 但用後發現皮膚有變亮呢 但記得打圈按摩要輕輕力 我第一次用時有少少泛紅 易敏感人士記得要更溫柔呢 係面上停留時有涼涼的感覺 同時亦有少許”拿拿地” 應該是西柚的關係吧!!! 整體此產品是OK的, 因為此價位是大部份人都可以負擔得起 但敏感肌人士可能就要慎用啦!! (3) 零毛孔蝸牛美白清潔泥面膜 Pore Clear Snail Whitening Clay Mask 零售價： HK$ 159／100g - 蝸牛分泌物濾液 ＊ 消炎、保濕 ＊ 美白去印、平衡油脂分泌 - 加拿大皂土 ＊ 吸附皮脂 ＊ 改善毛孔問題 - 碳酸鹽 ＊ 增加肌膚活性 ＊ 為肌膚深層注水分 - 毛孔淨化美白精華(柑橘萃取精華、佛手柑油和萊姆油) ＊ 提升皮膚彈性 ＊ 美白肌膚 使用方法： 用內附的勺取出適量清潔泥面膜，將面膜厚敷在乾爽的臉上15-20分鐘， 變乾後以微溫水洗淨。建議每週使用2-3次。 用後感::: 第一次用打開時聽到佢似CREAM SODA咁有氣泡聲好得意 好似好新鮮的感覺 搞到好似食野咁=P 呢個泥MASK好易推 好順滑, 同時佢超快乾 所以記得快手上好個MASK呀 >> 品牌註: 含有比毛孔更微細的加拿大皂土，能深入淨化毛孔，並有效吸附油脂，均勻膚色，塑造明亮肌膚。 清潔力太強, 真係好吸油, 我係混合性皮膚 所以用完之後覺得比較上乾 以下係第1次用時的錯誤示範 應該要用上雙倍份量先得 要完全睇唔到膚色先得呀 唔係超快乾 真係好似比佢吸乾哂D油份咁 有扯住扯住的感覺 使用後5-10分鐘已經見乾 (第2次已經厚敷啦都有咁的感覺只係時間上有幾分鐘延遲) 乾到龜裂 好嚴重 要即刻去洗面呀!!! 1次使用量都無左6分1盒啦 >> 品牌註: 成分中的蝸牛分泌物濾液令肌膚長效保濕((見唔到有呢個功效)) 但我同意佢話對油性皮膚更為見效 應該油性皮膚會無咁唔舒服 所以我都比男朋友試一試 佢話都OK 啦但都係唔使敷足15-20分鐘就乾 清洗上佢話用溫水我第1次無睇用凍水洗………… 係超難洗的 但第2次用溫水洗都唔見得易洗左 要用上3-5分鐘先完全清洗哂面上的MASK 總結一下::呢個系列的清潔力是強的尤其是MASK 我相信1星期1次已經夠呢類MASK 洗完面之後, 配合同樣是蝸牛系列的 詳見我的舊博文: 試用::: DreamSkin Snail Premium完美活膚蝸牛美肌精華水&10合1美白蝸牛霜 如果可以係清潔完最好敷返個保濕MASK為皮膚補補水先 之後再用上DreamSkin家的這2個產品 完美皮膚還是指日可待的 是次試用由theztyle提供
