今次收的的試用又係body care=) Lavera以最佳親膚性，不會對人體器官造成傷害為首要考量。 睇到呢句就知佢又係有機成份的產品啦 而且亦都係得到國際有機認證的 今次試的係以下2種產品 1) 有機果油沐浴乳 溫和的椰子和糖活性劑能分外溫和潔淨皮膚，用後皮膚細緻柔軟。有機夏威夷果仁籽油和西番蓮提取物混合雲尼拿的愉悅淡香，為肌膚注入水分營養，在寒冬肌膚也能時刻保持滋養潤澤。 呢隻沐浴乳味道初時覺得似藥水味,都真係有d唔太好聞 後來我媽媽同我講話似云呢拿味,感覺都好返d 諗返起以前d藥水都好似係寫住云呢拿味wo 1) 佢的質地係乳霜狀 同一般沐浴露無異 平日我會用起泡球來起泡沖涼(感覺愈多泡沖得乾淨d) 2) 但似乎對呢隻沐浴乳無效點搓都係無咩泡 3) 我試過用手打泡但唧一唧的份量都係起得好少泡 4) 加多左份量都係得好少泡用力擠先得少少泡出 於是乎恨恨地唧滿一手掌的沐浴乳 才夠我搽均全身 用後的確感覺滋潤保濕 但有少許痴立立的感覺 但是如果夏天使用可能就不太適合了 加上我覺得這是以滋潤為主的沐浴乳 清潔度會有不足 現在春天使用一些更清爽的會好一點 推薦在秋冬使用這產品!!! 但如果話想沖完涼成身香噴噴的呢隻沐浴乳唔多啱你啦 佢香味唔太持久 而且不是人人都接受得到這種有點似藥味的香氣 2) 有機身體潤膚霜 1> 潤膚霜成分珍貴，深層滲透至乾燥皮膚底層，立即消除繃緊感覺。果油在皮膚表面形成一層保護薄膜，為肌膚提供長效保護。潤膚霜如天鵝絨般柔滑，含豐富維他命，使肌膚天天感覺水潤柔嫩。 2> 打開有保護紙好衛生 香味同沐浴乳一樣 3&4> 白色的膏狀 佔取時發現都幾厚身 以為好難吸收 點知推開搽均之後好快就吸收 但用後會有點痴 我習慣睡前搽 即時效果見到乾紋無哂 第2朝仍然保持身體濕潤 持久保濕 唔會話好快就乾返哂!! 以下係用前用後比較 點擊圖片放大 最明顯係第3張因為呢次係咁啱濕度低左 乾紋盡現 用左1星期我男友竟說覺得我近來皮膚滑左 =D 呢個真係估唔到 所以呢一盒BODY BUTTER 用完我會考慮回購 尤其是來緊夏天開冷氣會抽乾身體水份 有佢就唔使怕見到身體皮膚起哂乾紋啦!!
