2個星期前皮膚敏感後一直到現在都未完全好返哂 日日食藥不論中西藥都勁眼訓 跟本無時間上來 由全面敏感 發展到現在成為鍾無豔== 我心情一直都超低落 咩都唔敢搽 但咁啱呢排又超乾燥 真係令人十級沮喪 因為又甩皮又紅又痕 但眼部皮膚始終較幼嫩 又唔敢去R佢 真係好辛苦ga!!!=*( 於是搵下有咩啱用啦及現呢隻CUREL的套裝 $130 有齊卸妝啫喱,潔面泡泡, 化妝水同乳液 可以為我的爛面提供最基本的護理 不至於甩皮 但我發現我眼邊的乾紋出哂來>< 我到底幾時先好返呢??? 不過就算唔係敏感到我咁的都可以用呢SET野 因為現在已經感受到秋天的氣息啦!!!好乾!!! 報告一下我今次敏感的醫療進程啦!!! 睇左2次西醫,但都唔好得, 搽左咁多類固醇的藥膏 塊面只會愈來愈乾 所以係堍面無咁紅時 已經停左 之後試過sis介紹的治敏速 都只係止到標眼水同流鼻水 (我今次敏感咩徵狀都出哂來 眼淚鼻水齊齊流) 於是去睇中醫 賜左2次 紅印好慢好慢咁退 我諗手尾長啦今次 唔知仲要飲幾耐苦茶呢 另外為左唔比自己手多多忍唔住去r 我媽媽仲煲左d金銀花水比我入樽仔噴 每次一痕就噴下 真係即時有種涼涼地的感覺 原來d金銀花乾係一個婆婆自己種同曬乾 絕對天然的 我好放心用 有時媽媽d古法都有d料到=) **最後比大家睇下我的鍾無豔look==
