9 June 2014 期待已久既歐遊30日終於係今日展開啦yeah yeah。我將會去九個國家, 分別係俄羅斯, 愛沙尼亞, 拉脫維亞, 立陶宛, 波蘭, 捷克, 奧地利, 斯洛伐克同埋匈牙利。我地既第一站就係俄羅斯既莫斯科。 去之前既準備: 1. 開啟提款卡既海外提款功能, 櫃員機就做到架喇 2. 買旅遊保, 係櫃員機或者搵agent 買都得 3. 暢定錢, 無論係咩貨幣, 去銀行定找換店都基本上要預先訂你所需貨幣既數量, 然後去到以當時既匯率兌換, 即使係咁common既歐羅都要, 更何況係俄羅斯盧布, 以我所知好似得中銀有俄羅斯盧布, 所以記得要早幾日兌好D錢啦 4. Check 定要去既國家要唔要整VISA 5. Copy 定幾份passport同身份証既副本, 萬一唔見野都有身份証明 6. 上網book定hostel 同交通, 一定要印晒D e-ticket 出黎, 坐車冇e-ticket好難証明你book左。同埋有D火車公司唔出e-ticket, 只會寄出正本ticket比你, 所以就要早D book, 唔係ticket 都趕唔切收就弊啦 7. 如果你仲係學生既話不妨整張ISIC國際學生証, 係外國去museum, 坐車好多時都會有折 唔講咁多 我地一行四人要出發啦 :-P wsw, phoebe, anton & me 我地買左俄羅斯航空 Aerofloat, 香港來回莫斯科既機票, 完稅後不多於 HKD$4800 (於4月中買, 所以可能會平D) HK 時間 11AM 起飛!!! 最中意影雲^^ 俄航的飛機餐(一) 味道還好 我記得...好咸= = 9個半中既機程當然有第二餐 :P 都係好咸 不過竟然有三角巧克力 正!! SVO機場附近的巴士站 坐左咁耐飛機終於到喇, 俄羅斯時間17:10到。(HK同RUSSIA 相差4小時) 到步後就要搵車出返市區, 我知道既方法有2個: 1. 坐機埸快線 (~Rub 400) , 即係上圖右邊紅色果個大車站, 你一定唔會MISS, 約40 min 就到 (而我冇坐, 唔知係咪真係40 min) 2. 坐851號巴士 (~Rub 50), 個巴士站要行一段路先到, 而車程就要75 min, 但係因為平就揀左呢個方法 以上2架車都去到莫斯科市中心既地鐵站 綠色線第一個站Rechnoy Vokzal, 然後就可以好方便咁坐地鐵周圍去啦。地鐵票好似係 Rub 40 一程, 不論你坐去邊。如果你搭得多既話可以買 rub 160 坐5程, 唔洗一日用晒, 可以第2日繼續用。而day pass 就 rub 210, 買左既24小時內可用。 莫斯科地鐵, 有一點點舊, 開得好快, 有D恐怖哈哈。同埋車上冇人講野, 所以我地一講野就變左車上面最嘈既人@@ 我地係Okhotny Ryad 落車已經係22:30 個陣時俄羅斯先天黑, so amazing@@ 而且岩岩落完雨, 個畫面好靚 Okhotny Ryad 站 好靚 好似小城堡 點擊圖片放大 夜晚既國家歷史博物館 到hostel啦 辛苦左一整日 要訓喇 拜拜 :-D
