怪說今日無無聊聊得閒無野做睇下Youtube，點知俾我發現到一D好有趣既野，就係.......香港知名Youtube gamer 大J開直播，不過gamer開直播又有咩咁出奇搞到我要開po講一講，奇就奇在佢係開直播俾人睇下佢俾人挽電話喎 事件既起因就由呢個po而起，話說大J「屎忽痕」用自己乳名--Hunggy去申請網名但又好死唔死，放咗新申請既網名地址黎個po到，泄露左自己既電話號碼，咁當然係有D「小學雞」挽電話la，於是大J就食住個勢開埋直播要觀眾睇下佢點俾人挽......(如下圖)仲要吸引左2000幾人睇果下先抵死(乜依家D人咁無聊既咩==) 吐嘈點開始~~~ 1.大J係po野之前點解唔先check清楚自己既個人資料有無外泄先po 2.明知開直播係會吸引更多人去炸佢機都仲要開，而且唔立刻報警去解決侵犯私隱呢個問題 3.竟然要觀眾俾錢贊助佢買電話卡?我唔相信堂堂一個香港知名Youtuber既收入會少得去邊(重點係真係有人贊助佢果下犀飛利) *我唔知大J係咪開玩笑，但係係呢件事上面佢的確唔抵幫* -----------------------------------------------我係分隔線---------------------------------------------- 講完大J，又點會少得某D小學雞觀眾，以下就要講下Youtube user 「悟空达」 呢條粉餅靠大J直播黎宣傳自己既頻道已經夠無恥、厚面皮la點知佢sd一條訊息唔夠仲要連續sd好幾條，直頭當大J死既加開直播話俾人知，到時俾警察查到真係喊到無為呀，傻仔! 以上只屬本人個人見解，歡迎各位評論
