那天晚上，我大膽地在公開場合跳韓式瘦身操 ( Figurerobics)。 平時喺屋企都會跳開鄭多燕，但始於唔肯定力度、呼吸運用恰當，想減肥事半功倍，就參加「U Blog x德藝會 試玩韓式瘦身操」活動，跟老師學吓嘢。到場後發現全班都女仔，活動空間倘大，感覺得舒服呢。 德藝會位於九龍灣德福商場，戲院旁邊，很容易搵到。 內裏有超大間更衣室，齊備沐浴室、梳妝枱、風筒等，仲有桑拿房及蒸氣室，有機會都想入去焗身汗，人都健康啲～ 開始了，動作與鄭多燕影片中所教的動作相似，小妹間中都喺屋對著電腦跳，今次有老師親身示範教路，身體擺動時，重心應該放哪裏，就可以針對部位修身，感覺當然好得多！ 跳了大約 30分鐘，小妹已經根筋「痛」力盡，這時候老師將動作放慢，繼後的 30 分鐘以拉筋目的為主，好讓我們全身放鬆，舒緩筋骨。 小妹就覺得這環節非常重要，平日跳完鄭多燕就直接沖涼休息，完全沒有做拉筋動作，難怪經常喊筋骨痛。 出一身汗，又拉完筋，舒服哂～ 臨走前，門口有免費椰青水供應，及時解渴。 德藝會 地址：九龍灣德福花園平台P13-P14號 電話：2993 6688
