從外島回到威尼斯本島後,我們趁住還未天黑,隨心地逛一逛本島! 第1天到達的時候主要在阿爾托橋(Rialto Bridge)附近,這一次我們更深入本島的內部,一起來看看非遊客區的風景吧! 紅磚外牆、米黃建築都很意大利,這裡有羅馬的影子呢! 不同的是威尼斯是一個水城,以運河相隔,以橋連接,好像在浮的陸地呢! 要感受真正的威尼斯就要走進巷子裡,不但是陸地的巷子,還有「水上的巷子」! 這些船都停在建築物的旁邊,不知道是不是每家每戶的私家船呢? 很難想像出門就要駕船的畫面呢!(而且好像沒有門口,難道是從窗口出來嗎?XD) 走著走著...... 在迷路中享受沿途的風光! 走過了無數條橋,回到了熱鬧的大街! 剛好看到角落位置有一對貢多拉,平時有人坐上去看不清楚,原來是皇座的設計,怪不得那麼貴啦!(其實我們都沒有正式問過價錢XDD) 點擊圖片放大 不知不覺到了晚飯時間,在威尼斯的最後1晚,我們竟然是吃中餐XDD 金獅飯店 地址: Rio Terà de la Maddalena, 2345, 30121 Venezia 電話: +39-41-720693 吃了太多餐意大利餐,開始懷念中菜啦! 菠蘿咕嚕肉 8.5歐 食後感:好脆,正! 蔬菜炒飯 5歐 食後感:有些淡和乾! 蟹肉湯(中)10歐 食後感:好好喝!一大碗每人都可以有兩碗呢! 鐵板海鮮 10歐 食後感:雖然是鐵板,但清清地,味道也不錯呢! 服務費 4歐 雖然這餐不是特別便宜,但在意大利,吃中餐比吃意大利菜便宜的! 吃完飯出來,發現了一條「威尼斯的夜市街」,有吃的、有衣服、有手信,前1天晚上都不發現,不知道是不是星期日才有呢?(那晚剛好是星期日) 趁著店舖還未關門作最後衝刺XDD 最後分享在威尼斯遇到的驚險事!!!大家要小心呀!!! 威尼斯疑似被成為搶錢目標事件 話説我係意大利嘅旅程尾聲已經用哂帶黎嘅歐元,所以要唱埋d 美金! 喺威尼斯本島唱錢個時,一直有個6歲左右嘅小朋友係旁邊望住我,我仲以為佢係等緊唱錢,之後見佢眼神好怪,係咁望住個counter 同d 錢,唔通個小朋友係網上個d 講既搶錢黨! 為左避免不必要誤會同阻止危險發生,我就直接問個小朋友:「你係咪等緊唱錢呀? 」佢好似唔識英文咁,他繼續望住個counter同d 錢,之後我再問他:「你望緊咩呀?」佢依然都沒有理我,仲企得好近我! 咁我唯有婉轉d 問職員,呢到拎錢安唔安全?她唔係好明我意思,之後我再話我覺得現在拎錢好似唔係好安全,你可唔可以遲少少先比我,之後用眼睛話比職員聽個小朋友有問題XDD不過個職員依然唔明白,反而他身邊另一個職員就get 到,他首先問我你地識唔識個小朋友,之後我地話唔唔識,他就話我知道點解你咁驚啦!原來個職員以為個小朋友係同我地同行,所以就發覺唔到唔妥,當我話我唔識佢,個職員都覺得好可疑呢! 可能因為驚動左2位職員,個小朋友驚驚就走左啦!咁我就終於可以安心拎錢啦!! 回酒店的路上一直看著後面有沒有被跟踪XDD 直到上了船才安心呢! 48小時的Pass還可以用到第3天的早上,因為我們第1天來到的時候是下午,所以真的好抵用,剛剛好呢! 相關文章: 日歐港|意大利鐵道遊|初到威尼斯|窮遊豪食夜 http://yorkyorkpau.blogspot.hk/2018/01/blog-post_19.html 日歐港|意大利鐵道遊|威尼斯外島遊(上)|玻璃島Murano http://yorkyorkpau.blogspot.hk/2018/01/murano.html 日歐港|意大利鐵道遊|威尼斯外島遊(下)|彩色島Burano http://yorkyorkpau.blogspot.hk/2018/01/burano.html 待續... 更多分享與交流: Facebook: www.facebook.com/lifegoesonfreestyletraveler lnstagram:york.york.freestyle_traveler Blog: http://yorkyorkpau.blogspot.hk