Day 9 海生館 － 餵食解說＋珊瑚王國＋世界水域 https://youtu.be/gSAnbENQz9M 喺Reception 迎接第2日嘅早晨！ 打完遊記，我就拎埋被鋪返去大洋池，準備執下野，起身喇！ 喺海生館夜宿，大家記得早上唔好set alarm, 因為每個人嘅時間可能都有分別，一個一個鬧鐘不停地響會打擾到其他人，所以工作人員就會統一喺早上7點開燈，叫大家起床梳洗、食早餐，準備第二天嘅流程啦！ 黎到海生館夜宿體驗嘅第2日啦！ 活力早餐 餓到唔記得左影相XD 2. 夜宿獨享－大洋池餵食解說（台灣水域館） 我地食完早餐，就到D魚食喇！ 喺我地尋晚訓嘅台灣水域大洋池，差唔多9點有餵食解說！ 我地提早少少去霸定位，準備睇餵魚Show啦！ 餵飼員潛下去餵食啦！將大洋池裡面D魚都引過黎啦！ D魚好活躍不停圍繞著餵飼員要食物呢！好壯觀呀！ 餵飼員不停咁自轉，而D魚又跟著轉，好似係度跳舞咁呀！（睇片啦！） 3.潮間帶生態觀察 （因為天氣同大浪嘅關係被迫取消左，好可惜呀！） 4.自由活動： 珊瑚王國館 珊瑚王國館嘅海底隧道好壯觀啊！如果我地尋晚可以訓呢度就好啦！ 沉船展覽,海澡類跟沉船合為一體啦！ b) 世界水域館 之後我地好好彩撞正一個有導賞嘅時間，咁我地就可以跟著導賞員向世界水域館出發！ 世界水域館對出嘅1比1 嘅深海大王魷魚，超誇張呀！ 聽講以前曾經有人捕捉到1條，但因為太難食，賣唔到出去，所以之後就冇人再捕捉深海大王魷魚喇！都令到佢地逃過左一劫XDXD 世界水域館分為：古代海洋、海藻森林、深海水域同極地水域四大主題！ 可惜我地已經冇時間行晒喇！喺呢度唯有走馬看花啦！ 海藻森林嘅呢棵海藻真係不得了呀！ 當我地問到呢棵海藻如果再生長D咁點算呀！哈！原來係會修剪既！ 極地水域嘅企鵝，行得好慢，不過游得好快呢！ 雖然喺香港海洋公園都見過，不過太可愛喇！真係百看不厭呀！ 世界水域嘅海豹餵食，餵飼員一個手勢就可以令到海豹上岸 ，睇黎佢同2隻海豹都好有默契呢！ 5. 製作明信片 離開前記住要分享海洋嘅美好比朋友們呀！ 我地喺海生館紀念品店買左明信片！ 之後就可以到紀念章收集處蓋海生館特有可愛嘅印章！ 最後喺Reception 買郵票，交比櫃台人員就得架啦！非常方便呢！ 紀念品店附近仲有1檔土耳其雪糕呀！我第1次買，唔知原來唔係咁簡單！ Albey 話要拍片，有被整嘅感覺呢！（睇片） 6. 派發紀念品－來揮別海洋吧！ 海生館嘅3個館都各有特色，但帶出嘅訊息都係一致，就係希望人類可以透過了解更多海洋知識，明白保育嘅重要性！如果唔係我地以後都睇唔到美麗嘅海洋同可愛嘅動物架啦！ 係呢度我地明白到夜宿嘅精神就係要進入海底世界，了解更多，然後愛上海底世界，保護更多。 黎墾丁千其唔好錯過夜宿海生館！呢個體驗真係非常值得一試呢！ 想有我地嘅體驗？ https://www.kkday.com/zh-tw/product/1894?cid=2076 出館後如果想再入返去，就要記得蓋印章啦！ 喺向高雄出發前，我地喺海生館享用埋個午餐！ 竟然發現館外有間港式點心！ 不知不覺已經離開左香港9日，開始掛住香港嘅食物啦！ 哈！不過唔好食呢XDXD 待續...... 下篇：16天台灣環島遊：高雄夜生活 更多分享與交流： Facebook: www.facebook.com/lifegoesonfreestyletraveler lnstagram：york.york.freestyle_traveler
