Day 8 夜宿體驗：海生館－台灣水域館日與夜 https://youtu.be/n3XGZEAL3VU 雖然今次我地錯過左墾丁嘅海上活動，不過我地可以用另外一個方式走進海洋世界！ 我地下午嘅行程係夜宿海生館，所以我地就黎到左國立海洋生物博物館啦！ 呢個係我地夜宿海生館嘅初體驗，所以我地都好興奮呀！ 早D入去登記同逛逛先！ 首先喺門口服務台登記拎左張證，我地今晚訓台灣水域館呀！唔知會係點呢！ 夜宿體驗下午4點開始，喺未開始之前，我地就寄存行李係Reception，去玩下水，Hea下先！XD 嘩！好多小朋友呀！ 呢D 海洋公仔一定都吸引唔少小朋友喇！ 呢間D野飲又夠凍又好飲呀！ 玩完一輪，我地當然要爭取時間打下遊記啦！ 夜宿體驗第1日部份終於開始啦！ https://youtu.be/VifWlL-PZ60 報到及行李放置 我地去地下嘅行李房擺行李啦！ 因為我地個行李太大，有鎖嘅行李櫃唔夠我地放，所以要放係呢個特大行李房呢！ 2. 夜宿活動精神及行程說明 首先派發體驗學習手冊，聽到行程都覺得興奮呀！ 對於唔識游水嘅我地，要了解海底世界，夜宿海生館就係一個好好嘅體驗啦！ 有專業嘅導覽，不但可以了解海底嘅日夜變化，仲可以去後場睇一睇工作人員嘅工作，親自餵水母同魚仔，超正呀！ 3. 就寢選擇之展示館深度導覽 我地跟著導覽人員到左今晚入住嘅台灣水域館參觀，由河流嘅上游開始一直到河口、潮間帶、觸摸池、珊瑚礁，了解左好多台灣水域嘅海底世界呢！ 魔鬼魚對住我地笑呀！好可愛呀！ 珊瑚礁區，唔洗浮潛都睇到咁靚嘅珊瑚礁同彩色熱帶魚呢！ 喺觸摸池，我地摸左好多海洋生物，海膽、海星、海兔、海參、寄居蟹全部都摸完，感覺好得意呢！ 呢個View 咁正，我地今晚就訓呢度啦！ 4. 海洋活力補給晚餐 之後我地就黎到海景餐廳食個晚飯！ 晚餐好豐富呢！ 5. 夜探海洋奇世界 入夜後，我地再去睇下台灣水域館夜晚有咩變化啦！ 原來入夜呢度係會關晒燈，導覽人員就拎住電筒由河流嘅上游開始慢慢觀察佢嘅變化喇！ 晚上明顯地魚兒活動漫左好多，應該係訓緊啦！ 最嚇我一跳嘅係喺觸摸池，原來平時睇落郁都唔郁嘅海澡類、海膽、海星、海兔、海參喺晚上都非常活躍架！真係大開眼界呀！見到佢地郁得咁快，都唔敢摸，有D核突呢！ 6.參觀台灣水域館嘅後場 後場係海生館嘅秘密花園，亦都係夜宿體驗中最特別嘅環節，因為通常只有工作人員先可以入去，但只要參加呢個夜宿體驗，唔單止可以參觀仲可以餵飼添！ 喺底下睇魚池，好壯觀呢！ 喺台灣水域館見完水母之後，我地仲有機會近距離接觸呢！ 第1次用浮游生物去餵水母，估唔到仲可以摸水母添！（睇片） 呢D浮游生物，好似實驗室嘅調劑呢！ 不過摸個時都好驚被傷到呀！ 有條鯊魚想上黎，好彩有驚冇險！ 之後我地仲有得用乾蝦餵魚仔，一拋D魚糧落去就有一大群魚游過黎，好得意呀！（睇片） 7. 手創海洋DIY 導覽結束後，我地有一D自由活動時間可以到DIY區自製黏土手信！ 我：墾丁海洋中嘅小小魚兒 Albey：澎湖嘅東吉嶼燈塔 8. 與海洋共眠 台灣水域館嘅大洋池係最受歡迎嘅夜宿地呢！晚上魚池會關燈，我地就可以喺黑夜中感受海底世界喇！ 先鋪好床單，再去地下嘅行李寄放層洗臉刷牙，準備今晚與海洋共眠喇！ 9. 試玩員的精神 正常地夜宿，完晒所有行程就可以同魚仔一齊訓覺喇！ 但作為試玩員嘅我地，行程嘅完結就係工作嘅開始啦！ 哈！講明體驗，我更係要夜宿一下先啦！訓左2小時，半夜3點起身，開始工作！ 首先更係要係地下室拎番D充電器先啦！呢度有個小型有鎖充電櫃係for 電話同小物品嘅！ 而我嘅電腦要充電，就要搵個大型D啦！唯有拎埋被，搬去台灣水域出面Reception位充著電工作啦！ 打打下突然聽到腳步聲，原來係巡邏員～哈！佢比我嚇左一跳呢！ 仲問我係咪訓唔著XDXD 我係好想訓，但唔訓得呢！T^T 之後早上7點左右有好多同館夜宿嘅都見到我問同一個問題！睇黎呢個位太開揚啦！XD 想有我地嘅體驗？ https://www.kkday.com/zh-tw/product/1894?cid=2076 海生館有3個區，包括: 台灣水域、珊瑚園和世界水域，我地今晚訓台灣水域館，第1日嘅流程只會導覽參觀夜宿嘅館，其他2個館就要自己第2日去睇啦！ 待續...... 下篇：16天台灣環島遊：夜宿海生館(下篇） 更多分享與交流： Facebook: www.facebook.com/lifegoesonfreestyletraveler lnstagram：york.york.freestyle_traveler
