澎湖真係有好多美食呀! 第1日李大哥就帶我地周圍食食食啦！！！ https://youtu.be/Zk_oJJFgpsw 美食1：白米＋紫米雙色飯糰 二信飯團 地址：民生路與文化路口，二信民生分社前面 二信飯糰喺澎湖人鐘意食嘅早餐老店之一。 我地點左紫米+白米的雙色飯糰呀! 入面好足料，味道有D似”痴”飯，好好食呀！ 美食2：三色花枝丸 旺旺手工海菜煎餅 地址： 通梁古榕樹對面，有架流動車，一睇招牌就認得！ 阿姨仲講笑咁話一睇我頂帽就知係遊客，因為真正嘅澎湖人要防曬係要打扮成佢咁喎！XD 呢個係澎湖特有嘅三色花枝丸，好彈，三隻味都好好食呀！！ 美食3：仙人掌冰 易家仙人掌冰 地址： 澎湖縣白沙鄉通樑村191號之2 營業時間： 9am - 6pm 黎到澎湖又點可以錯過特產— 仙人掌冰呢？ 喺澎湖有好多家賣仙人掌冰，而易家就係澎湖仙人掌冰嘅創始店喇！ 真係唔知原來仙人掌都可以食架！ 味道係酸酸甜甜，好消暑呢！ 美食4：燒肉拼滷雞腿飯＋燒肉拼鹹魚飯 馬路益燒肉飯 地址：澎湖縣馬公市中正路7巷5號 營業時間：11am-2pm; 4.30pm-10pm 晚飯時候，我同Albey無意中搜尋到附近搵到馬路益燒肉飯，一開始真係唔知道呢間係澎湖最出名嘅餐廳之一，食完之後先知道呢，唔怪得咁好食啦！ Albey好鐘意滷雞腿，覺得好夠味呢！ 而我就可鐘意個鹹魚，好有風味呀！ 美食5：黑沙糖冰 傳統冰·黑沙糖冰 地址：馬路益的路口第一攤 食完燒肉飯後，發現旁邊有個傳統黑糖冰檔攤，繼續食甜品！ 呢間店都好受歡迎呢！好長龍呀！ 除左黑糖沙冰，仲有好多配料可以加落去架！ 超好食呢！ 待續...... 下篇：16天台灣環島遊：澎湖必吃美食(下） 更多分享與交流： Facebook: www.facebook.com/lifegoesonfreestyletraveler lnstagram：york.york.freestyle_traveler
