Day 6 澎湖: SUP海上探險/龍舟板衝浪/寬板滑水 怕水嘅我又要去挑戰一下自己嘅限度啦！今次挑戰嘅係寬板滑水，由快艇同滑水繩索帶動滑水板嘅水上活動。喜歡速度嘅我，真係好想學識，但怕水嘅我就好驚喇！真係一個令我好矛盾嘅活動呀！XD 哈！怕水都要玩, 呢個就係挑戰啦! 我係一個敢於挑戰嘅人，唔試過係唔會死心，因為我相信Never try, Never Know! 換好裝備，更係要同滑水達人們影番張Chok相先啦！XD 哈！之後就輪到我地同行4人啦！我地都好Cool呀！準備去滑水啦！ 波賽頓海洋運動俱樂部 https://www.facebook.com/Poseidon.Wakeboarding.Club?pnref=lhc 呢度嘅設備好齊全！ 救生衣都好靚呀！ 喺開始前，店長先親自示範滑水嘅姿勢同技巧！ 快艇準備出發啦！ 滑水達人表演寬板滑水！ 好勁呀！ 哈！店長拎住我個Cam準備影底滑水達人嘅英姿呀！（哈！睇片啦！） https://youtu.be/JorFkMqJRC8 首先係Albey上陣，Albey體力好好，竟然可以玩到3次呀！呢張就係佢嘅最佳照片啦！ 我係第二個落水，喺船上等待......其實好緊張呢！ 到我啦！當我跳落水嘅一刻，我就開始同自己講我要克服怕水，結果我可以冷靜咁浮喺水中，慢慢就爬上滑水板，開始啦！超緊張呀！ 第一次滑嘅時候，我可以跪係度，想起身就跌左落水啦XD 平衡唔到呢！ 玩呢個活動真係好花體力，當我第2次再爬上去準備跪嘅時候，已經唔夠體力再拉動身體跪上去，哈！雖然失敗左，不過係一個好好嘅體驗呢！^^ 之後到啊麗，最後都可以企到！好叻呀！ 最後就係李大哥，好勁呀！仲可以單手擺POSE呢！ 玩完寬板滑水，我地就開始海上漂流啦！ 呢個龍舟板衝浪，感覺好似”少年PI"，喺海上漂流呢！ 玩嘅時候先要從坐住黎划開始，熟左之後就可以企起身划！ 感覺呢個比較容易，好快就上手啦！ 不過企起身嘅話，要好有平衡力，如果唔係會跌落水架！ 都係坐住咁樣喺海上飄流好D，好舒服呢！ 最後我地就上演一幕死亡大對決，我同Albey 學西部牛仔，背對背進行水鎗對決！ (邊個贏？睇片啦！XD） https://youtu.be/PSfiHYFktWw 之後大家拎住水槍見人就射，豪不留情XD哈哈！ 呢一刻，我地都好似搵番童年嘅感覺呢！ 雖然今次我地嘅專題係”兩個人的旅行”，但我同Albey都覺得人多一齊玩，熱鬧D，係特別開心呢！ 想有我地嘅體驗？ 澎湖最新海上運動-ＳＵＰ海上探險/龍舟板衝浪/寬板滑水 https://www.kkday.com/zh-tw/product/2699 https://www.kkday.com/zh-tw/product/2699?cid=2076 待續...... 下篇：16天台灣環島遊：在馬公市遊走，在赤崁碼頭落跑！ 更多分享與交流： Facebook: www.facebook.com/lifegoesonfreestyletraveler lnstagram：york.york.freestyle_traveler
