Day 3 澎湖本島 跟著李大哥嘅步伐，我地繼續行程！ 第6站：石塔 澎湖有好多塔，都係一D風水陣，係祈求平安嘅，有D似香港沿海嘅天后廟！ 呢個石塔有少少似一頂帽咁喎！ 第7站：通梁古榕樹 呢棵係通梁古榕樹！聽李大哥講，呢棵榕樹睇落好似由好多棵結合而成，但實際上就是一棵榕樹不停咁蔓延生長而形成。落地生根完再開枝散葉，好勁呀！ 喺通樑古榕樹下，可以涼一涼^^ 第8站：中屯風力園區 香港只有一個風車喺南丫島，而且仲要行山上到去先影到相，所以當我見到中屯風車時，真係好興奮呀！遠在天邊近在眼前呢！ 我要同風車一樣，轉去唔同嘅地方、不同嘅國度！ 第9站：跨海大橋 我地黎到左澎湖跨海大橋，呢度更係必跳之地啦！ 第10站：奎壁山海底步道 原來澎潮都有魔西分海呢？！XD 我地到達時，眼前仲係一片海洋。水位都唔太高，好多人都開始行啦！我地都出發！ 短短十分鐘嘅時間，海水被分開左。一條S字型嘅海底步道漸漸浮現喇！⋯ 就好似摩西出埃及時劈開紅海神蹟一樣，非常奧妙呢！ 聽李大哥講，呢個情景每日下午2點幾左右都會出現而且會停留上4小時左右，之後又會變番一片海喇！最值得一睇更係分海嘅過程啦! 喺澎湖嘅第1日，我已經覺得大開眼界喇！ 16天台灣環島遊：澎湖本島1日遊 https://youtu.be/3z29WCSNBw0 想有我地嘅體驗？ 【分海奇景】澎南環島攬勝全日遊（ㄧ人成行，含接送、午餐、專人導覽） https://www.kkday.com/zh-tw/product/2371?cid=2076 藍色公路踩風行：西嶼線環島一日遊（一人成行，含接送、門票、午餐、專人導覽） https://www.kkday.com/zh-tw/product/2357?cid=2076 待續...... 下篇：16天台灣環島遊：日夜爽玩比基尼島（上） 更多分享與交流： Facebook: www.facebook.com/lifegoesonfreestyletraveler lnstagram：york.york.freestyle_traveler
