大學的畢業旅行，我去了歐洲。 上半部跟朋友兩個人一起去；下半部則自己一個出走！47天（包埋機票）大約花了二萬四千元，其實唔算多唔算少，能夠節省旅費的重要原因是省了不少住宿費。 可以點慳？ 這次旅行我選擇了沙發衝浪(couchsurfing)的形式。 couchsurfing基本是一個網上平台讓你找當地願意接待你的host，簡單點來說就是讓你可以免費住進陌生人的家，在歐洲cs算是很普遍。除了住過幾晚hostel，大部分時間我都住在當地人的家。這次旅行我總共瞓過十幾張沙發，認識了十幾個不同國藉的好心人。 雖然一開始我都會擔心安危，不過只要小心揀host、只要培養一點點common sense去保護自己，即使是一個女生也可以選擇couchsurfing這方法旅行！ 除了經濟考慮，我選擇couchsuring是因為可以認識當地人，以最直接既形式作文化交流。至今我仍然跟某幾位HOST有keep contact，全靠couchsurfing，我才能夠接近和認識他們！而且願意做host的人大多都是旅行愛好者，因此跟他們互動、聽他們的旅遊故事，也是這趟旅行中最重要的經歷之一。 很多人都會好奇，究竟當地人既生活環境係點？佢地會俾陌生人訓係咩地方？係唔係真係要瞓沙發？ 好可能你有聽過couchsuring呢樣野但未必有好確實既概念去理解去認知呢件事, 所以就等我分享我2013年暑假訓過既其中十張沙發啦！ （可能係因為歐洲人既屋企都比香港既大好多，所以.....我好幸運地瞓過既每張"沙發"都好舒服,有d仲舒服過香港張床......） １）Amsterdam, Holland 主人家是一個很有"經驗"的host, 大概一週會收兩三個couchsurfer, 更有一間房俾couchsurfer住! 而且佢仲會好歡迎你同佢既屋企人一齊食dinner, 仲會準備早餐, 佢仲帶左我去屋企附近既公園邊踏單車邊睇風車！係一次可遇不可求的好經驗 :) ２）Amsterdam, Holland 閣樓的一個私人小空間！ ３）Berlin, Germany 這次的host也有很多cs經驗，佢更幫我搵佢朋友係德國另一個地方借沙發俾我瞓！ 放於客廳，很大的一張沙發床 ４）Bornholm, Denmark host的兒子剛好在爸爸的家住，所以媽媽就讓我住她兒子的房！ ５）Dresden, Germany host超級好人，他們讓出工作室作我的房。入面有兩張沙發合併的"床"。 ６）Leipzig, Germany 終於遇上真正的沙發！ ７）Cubelles, Barcelona 於西班牙海邊，好靚好靚既一間房～ ８）Gilleleje, Denmark 呢間房真係好大好大好大仲要有電視......一個人訓雙人床連我都覺得好奢侈....不單止瞓得舒服，host仲好熱心咁俾好多旅行建議我，而且每朝每晚都一齊食早晚餐，當我女咁看待...至今我仍然跟他們有contact，希望有機會可以再去丹麥找他們，又或者希望他們會有一日黎香港,換轉身份等我接待佢地 :) ９）Malmo, Sweden 放在客廳的雙人床鋪 １０）Paris, France 巴黎算一個好難搵host既地方，但好慶幸呢一次都搵到host收留！ 旅程上遇到什麼HOST什麼沙發，是一種經歷、也是一種緣份。 我們可能一生一只會見這一次面，但就是這種淡淡交流更顯得這種相遇可貴。 走進他們的家也體驗當地文化的最好方法。每天一起吃早餐、晚餐、聊歐洲聊香港聊旅行、一起吃喝玩樂，我覺得好滿足好快樂。真係好多謝他們願意讓一個陌生人進入他們的家，我知道與陌生人建立信任不容易，但他們讓我明白人與人之間的信任，也可以很簡單、很純粹。 希望有朝一日，當家庭環境和情況許可，我也想當一名host，幫助有需要或者想交流文化既各國旅人！ 希望你看完我的分享後，下次去歐洲（或其他地方）時考慮當一個沙發衝浪客！ 更多旅遊分享在我的facebook專頁 :)
