呢期好HIT既新熱點，一個睇落唔似喺香港，集椰林樹影, 大草地，海景長廊，日落美景於一身既好地方，除左好岩情侶去浪漫一下之外，都好岩大家大細去過一個愉快既下午架～今日老公就帶左我地黎呢到實戰一下- 屯門浩和街。位置於屯赤隧道出入口一帶，入龍鼓灘方向，望后石消防局後面。去呢個地方真係渣車較為方便，因為都比較入，我地選擇左平日（星期四）去 ，真係少好多人。果到係唔會有車場，都係泊喺路邊，如果你係搭巴士，可以搭路綫 k52 （往龍鼓灘）在「望后石站」落車，再徒步廿多分鐘行入去。 一落車： 嘩，係一個遼闊既空間，大海景，大草地，天氣又好，因為好廣闊，天同海形成了一片藍！點擊圖片放大 +2 真係身心好舒暢呀。有人在野餐，有人在放風箏、放航拍機，有好多人都會踩單車入黎，果到仲有個打卡位- 燈塔，可惜係我帶住小朋友，無行到去果邊影相。如果你有機會去到，果個配海景既燈塔，真係好值得打一打卡！ 開張野餐墊，同小朋友hea下，行下影下相。睇埋個日落就為今日劃上完美既句號。*呢個地方真係好靚，大家真係要好好珍惜，自己垃圾自己帶走，希望唔好又出現第二個塔門變成垃圾崗啊！ ～希望你哋會鍾意我嘅分享～❤️❤️分享和交流我的育兒點滴，好玩好食和食譜參考：立即去我地既fb page俾個likehttps://www.facebook.com/三頭六臂YoMaMa我的育兒手記-104950357899223/
