其實第一次寫呢D遊記，就真係有2個目的 一黎記錄下自己去旅行時做過D咩啦 二黎就想比大家做一個參考 畢竟去旅行唔係跟團就自由行 咁我就一直都好主張自由行既#yup# 可能D資料都會幫到你地既 :-D 今次去日本同上年時間又真係差唔多 搞到我好想每年呢個時候都想放暑假(咬手帕 今次去左神戶、京都、奈良、大阪同埋東京 我呢D貧苦學生緊係搭LCC啦 :lol: 去程：香港 - 大阪關西 (00:35 - 05:20) peach 回程：東京羽田 - 香港 (06:30 - 09:30) hong kong express "咁去東京個程呢?" 有人會揀搭新幹線 我覺得真係有呢個需要既，即係一生人要搭一次 而且我都好中意坐鐵 <3 但老實講好貴好貴好貴 你去搭新幹線仲要加埋指定席 媽啊!!!!!! 14450yen [shocked] 我都係帶得個78000yen 是咪要拎左我隻車? 最後的辦法是去搭國內機，仲要係JAL <3 其實我都預左唔會平得去邊 點知個價錢係9xx0yen左右 [shocked] 最後機票個到用左3600HKD左右搞定了 :mrgreen: *留意 國內機既機票係早買平更多* 都講緊搭飛機就不如講埋係日本既交通手段 正路係大阪落機既人都會搭鐵(JR/南海) 但因為我第一天就要去神戶 若果要聽住成車人都講野而自己又想訓又要訓唔到既感覺好差 諗到呢點 我就揀左搭Bay shuttle去神戶 :lol: 更加比我想像中簡單 到左Terminal 2入哂境拎哂行李就可以搭機場既shuttle bus去Terminal 1 係Terminal 1買船飛 買完就等搭船公司既shuttle bus 去碼頭 搭船 around 30-40mins左右 落左船又搭Shuttle bus去神戶機場 "搭車又搭船，是咪好貴嫁?" NOPE!! Bay Shuttle 宣家就做緊優惠 持外國人passport的都有優惠 -> 由1850yen折到900yen(單程) 食餐好好既都已經冇左啦 但要留意由神戶機場出去三宮是要搭鐵的(Port Island line)330yen 到左三宮就去左酒店放行李 然後是旦搵一架City loop既巴士上左去就算啦(喂 因為上車是唔洗比錢的哈 落車既時候就同導賞員姐姐講要買一日券(660yen) 用三次本已回#yup# 基本上呢個city loop 巴士行既路線已經是觀光客都會去的地方 除非你話去有馬溫泉啊，去六甲山啊~ 但都要注意 呢個巴士尾班車係5點幾係神戶港灣塔前開出 如果plan好左係會睇埋夜景或者夜一夜先番的親們就請自己搭鐵回酒店啦~ 仲有記得要print coupon或者去拎coupon -http://feel.kobeport.org/_tw/ -JR三宮站東出口南側 *Bay shuttle: http://www.kobe-access.jp/en/index.php* *City loop bus: http://www.kctp.co.jp/outline/car/cityloop/* 之後會講埋其他係今次個trip入面用到既pass同埋個人覺得好實用的pass~~
