日本再自駕‧秋葉初體驗...合掌屋‧民宿体驗 第五天(續)...... 下午三時廿分到達白川鄉... 在1995年成為世界文化遺產的白川鄉, 共有113棟合掌式村屋, 這些獨特的建築物除了保留許多當時的文化及民間工藝品外, 部份更設為民宿及全統的鄉土料理, 能讓遊客更深入接觸日本文化... 整條村只得六百多人居住, 但每年有超過二百萬旅客到訪, 大部份都是日本本地人, 外地遊客以台灣漸大多數, 香港的並不太多, 但隨著旅遊團發展新路線及不繼推廣, 白川鄉都多了一批如我們的香港散策自遊人... 離民宿Check-in時間尚有個多小時, 趁天色尚未轉暗, 便第一時間到山頂的超人氣『荻町城址瞭望台』, 從該處可眺望整個白川鄉美景, 站在瞭望台就好像進入了宮奇俊的動畫世界一樣, 吾怪知得有無數本地拍友好專注地攞景; 要睇如此童話美景,可從村口的山徑行上山, 約需半小時, 亦可在觀光案內所前乘搭免費穿梭巴士登山。我地緊係揸自己部Prius喇! (真有緣, 係依樹又見番係立山黑部相遇的香港男生Eric添! 原來佢地去左"上高地", 女生阿Anne已回港返工, 留下Eric 獨自浪遊!)..... 不自覺地狂影一輪 (有D失控!), 便揸車落山, 更順路兜埋Eric返民宿, 道別後便前往今晚入住的合掌屋民宿『大田屋』。我們預早上網依貓做好Booking, 一泊兩食連冬天暖爐附加費, 每位¥8,700。泊好架車後, 屋主大田太太及女兒大田小姐用簡單的英語和日語熱誠地歡迎我們, 但另有一位男士用好純正廣東話同我地打照乎, 心想莫非大田先生係香港人? 非也! 原來他亦是今晚的住客Thomas, 他和太太 Vivien 同樣是來自香港, 他們聽到我們的廣東話對話, 高興地走出大門口跟我們打照乎呢....在遙遠他鄉, 可以遇見鄉里, 緊係開心喇! 我們放好行李入客房後, 大田小姐便介紹民宿內的設施, 食晚飯及早餐的時間同最重要既"共用浴室"時間表。大田屋只有五間客房, 除了我們加另一對香港夫婦, 還有一對本地夫婦及一名單身日本男子。所有房間都是用活動推拉的門板分隔, 好有全統日本古裝片既味道, 但隔聲就麻麻喇! 準時在晚上六時開飯, 所有住客共七個人一起在飯廳內進食, 食物全都是大田媽媽親自下廚的全統日本鄉村料理, 當然唔少得爐燒飛驒牛肉, 塩燒岩魚等; 真真正正的日太住家飯啊! 邊吃邊談天說地, 跟Thomas和Vivien 分享今次旅遊經驗..... 約九時多便睡覺, 希望能發番個童話美夢就好喇...... 如果要在白川鄉一試合掌屋民宿体驗, 最好一早預約, 除了外地遊客, 本地日本人都喜歡到這世界文化遺產感受一下古舊的風情。如有興趣可參考以下「白川鄉民宿一覧」, 大部份民宿都要用FAX或電話聯絡, 部份民宿亦有自家網頁, 如我們入住的大田屋更可用電郵訂房, 用簡單英文是不成問題的! http://www.shirakawa-go.gr.jp/yado/minsyukuichiran.htm (放大地圖) ……續