最近的確有好多朋友叫我寫書 , 寫BLOG , 寫乜寫物 因為我成日周圍去食 周圍影 所以我終於鼓起勇氣去寫第一篇BLOG 畢業寫BLOG呢件事都係我一直想做既 我唔想自己做金魚 一個無記憶既生物 我會主力寫關於我去冰室/茶記既經歷 再者係介紹下香港好去處 分享下港式文化 首先 推介第一間必食既冰室 : 華嫂冰室 呢間冰室既LOCATION比較偏僻 但仍然吸引到唔少人來自全港十八區專程黎食 溫馨提示各位遊人 此冰室逢星期日休息 營業時間由上午八時至一時及下午二時至五時 12:45時會開始截落單 直至2點先繼續幫客人落單 早上去等侯既人比較少 但其實通常唔係極早去都要等一段時間先有得入座 入座後注意只能落一次單 過左就唔會再幫你落 雖然係好串 但真係好好食 物有所值 華嫂既蛋其實我覺得係最有代表性 但呢到有兩樣野係必食 一 . 招牌菠蘿包 菠蘿包夾住一舊鮮牛油 半生熟既雞蛋 蕃茄片 咬落去既時侯d蛋黃流哂出黎 舊鮮牛油同蕃茄搞到個包食落既感覺好FRESH 中和返菠蘿包平時咁單調既甜味 二. 招牌咸牛肉芝士包 搽左牛油既長豬仔包夾住咸牛肉 芝士 半生熟雞蛋 雖然材料好普通 但係估唔到咸牛肉同芝士係咁MATCH 因為芝士係包入面已經有溶溶地既感覺 食落去又有芝士味又CREAMY 鮮茄豬扒雞翼通粉 蕃茄味真係好濃 個湯底一食就知佢係用新鮮蕃茄去煮 絕對唔係平時用茄膏整出黎既味道 個底好澀好糊狀 豬扒都好SOFT 唔難入口 餐牌 價錢同普通茶記差唔多 不過就食物方面比較有特色 VINTAGE OPEN KITCHEN 食完華嫂其實附近真係冇野好行 位於天水圍坑尾村 由華嫂去西鐵站既相 路程約十分鐘 或者去到天水圍西鐵站再轉輕鐵係坑尾落車 有獨立的華嫂停車場 方便駕駛人士 我每一次食完都係搭返西鐵出元朗 郊遊 一次係去左大棠 有兩次係去南生圍 (下回分解) 咁就唔洗怕特登入完黎天水圍無野做啦 :twisted:
