終於又忙完一輪，決定要食放題獎勵自己！經過幾次✨<御滿屋日本料理>✨都見門外有人等位，就決定試吓啦～我哋揀咗✨經典雙重鮑魚鵝肝撻海鮮海洋盛宴✨晚市加一，每人大約三百幾蚊。有80款品項，選擇都唔少，包括刺身、壽司卷物?、燒物、串燒?、熱食料理、炸物等。亦設有自助區，有冷熱盤、壽司、水果甜品、任飲清酒?、梅酒、紅酒?、啤酒?及其他汽水、紙包飲品?等等。點擊圖片放大 +4 幾特別係有得任食馬來西亞極品榴蓮?，見枱枱都點好多！我本身唔食榴蓮，但見屋企人食得幾開心? ?刺身、壽司選擇都不少。特別壽司會配搭唔同嘅醬汁組合，例如脆蒜醬燒牛肉壽司、胡麻醬燒左口魚邊壽司、火炙焦糖三文魚壽司等等，不坊樣樣都試吓。點擊圖片放大 我幾鍾意燒紐西蘭羊鞍?，無咩羶味，有咬口又保留肉汁，幾好食。 和風牛柳粒亦炒得幾香。食咗咁多熱氣嘢，再點個松草花准山杞子燉雞湯，滋潤又足料??。川燒蒜蓉焗生蠔?都幾香，仲有乳鴒都係任食。 炸物試咗南瓜同虎蝦天婦羅?、紫心香芋丸、吉列炸蠔、脆皮炸奶等，樣樣都炸得幾香脆，唔會好油膩? 甜品、飲品都係正常發揮。留意到雪糕雪條?都幾吸引，可惜最後真係太飽太飽無食到。整體係食得滿足嘅～ ?御滿屋日本料理 地址 :屯門市廣場1期1樓1246-1266號舖#御滿屋日本料理 #放題 #屯門 #屯門餐廳 #屯門市廣場 #日式 #日式料理 #吃到飽 #壽司 #清酒 #香港餐廳 #香港美食 #吃貨 #美食日記 #hkfoodie #hkblogger #hkfoodlover #hkfoodblogger
