好耐無食Omakase啦，今次帶埋老公去試尖沙咀「遖Sushi Apare」 晚餐有$1380同$1680，我哋揀咗一人一個，試吓分別，下面詳細介紹👇🏻Dinner Set $1680: 前菜：🧈鮟康魚肝製豆腐配上奈良漬白瓜、🐙八爪魚麵豉醬、🦀澤蟹豆腐同八爪魚都幾濃郁，炸澤蟹十分脆口。 🦪長崎縣小長井牡蠣、配上用木魚煮成嘅湯汁啫喱及紫蘇花。 第一次食到完全唔腥嘅牡蠣😍，仲好鮮甜添！啫喱清新冰涼，淡淡香氣唔會蓋過牡蠣🦪嘅天然鮮味，餘下嘅湯汁帶少少酸，令味道平衡。🔹象拔蚌、🔹粒貝，兩款都爽口彈牙，可按喜好配旁邊嘅柚子鹽、紫蘇鹽及Wasabi。 🔹象拔蚌邊醃了醬汁，面層烤到帶一點焦香，單吃已經夠味，好食。最後食🔹柚子啫喱，幾清新。🟠岩手縣海膽，盛載係海膽杯中，入面仲有蝦肉、魚子醬、金箔，十分吸睛😍 🥠清酒煮澳洲黑邊鮑，食到天然鮮味，十分彈牙。配鮑魚肝醬、鮑魚肝煮成醬油有另一番風味，更濃郁惹味，正！👍🏻🦐櫻花蝦打成溶、面層係🟠海膽慕絲及金箔。第一次見個菜式，好特別。味道順滑濃郁，口感綿密creamy，好食！ 🦀毛蟹、海膽、蟹醋啫喱、紫菜蝦米通。蟹帶甜味、海膽好creamy，啫喱少少酸，整體味道平衡。 🐟馬友魚、燒日本白蘆筍、紅白薑牙。 另外亦有🔸小零食炸白蝦仔、🔸漬物、🔸熱湯、🔸茶碗蒸。 茶碗蒸夠滑溜。 湯不是普通麵豉湯，有海鮮鮮味配上滑豆腐。😋 壽司： 🥠石垣貝壽司：爽口。🐟針魚壽司：銀白色燈光下幾靚，味道淡雅，口感獨特。🐟金目鯛壽司：面層帶點焦香，油脂綿密甘香。🦐車海老壽司：清甜彈牙。🐟熟成拖羅壽司：油脂濃香，入口溶化。 🐟燒右口魚邊壽司：燒到脂油香氣撲鼻，勁好食！🟠平川紫海膽：好食，好creamy！🟠淡路島海膽：食到有花香、檸檬香，味道特別又清新，好鐘意！甜品：熊本赤肉蜜瓜🍈，自家製抹茶奶凍🍮 蜜瓜超甜呀！抹茶奶凍甜而不膩，幾好食。以上係$1680 Dinner Set，項目豐富，我覺得整體係幾高質☺️。而$1380 Dinner Set，有些上述菜品並不包括，而且壽司嘅部分，品種都好唔同，性價比係高嘅。不過我覺得貴個set好食啲🤣可參考吓$1380 Dinner Set 壽司部分👇🏻 🥠赤貝壽司🐟間八壽司🐟蓮子鯛壽司🦐蝦蛄壽司（即瀨尿蝦）🐟深海池魚壽司🟠平川紫海膽老公主要食平少少依set🤣表示都好食，食材同樣新鮮。佢最鍾意深海池魚，話個味道同以前食平價嘅無得比👍🏻 📍遖Sushi Apare地址：尖沙咀漆咸道南115號達成商業大廈7樓#遖 #SushiApare #Omakase #japanesecuisine #japanesecuisines #壽司 #魚生 #廚師發辦 #hksushi #omakasehk #hkomakase #高質 #日本菜 #日式 #尖沙咀 #尖沙咀美食 #日式料理 #香港餐廳 #香港美食 #食物拍攝 #吃貨 #食評 #美食推介 #hkfoodie #hkblogger #hklifestyle
