🌟銅鑼灣「富山麵家」最新聯乘Sanrio Pochacco PC狗🌟,打造期間限定主題拉麵店🍜 由牆身掛畫,到紙杯筷子套都印有PC狗🐶,加上PC狗造型美食,聽住背景輕快音樂🎵,整個氛圍繽紛可愛。 🍜PC狗特製牛奶拉麵 $98鐘意麵質彈牙有咬口,吸收到滿滿湯汁。豬軟骨入口溶化。牛奶湯底香中多了份粟米嘅甜味。 🍜PC狗黑醬油拉麵 $98醬油偏鹹味,配豬軟骨、日式叉燒、流心蛋、筍等,好入味。 🥟特製蝦餃 $38蝦餃造型真係唔捨得食!口感鮮香彈牙。 🥠特製黑芝麻蒸包 $28造型好可愛,包偏厚實,鐘意黑芝麻餡料好香濃綿密,又唔會太甜。 🍹啫喱青蘋果梳打 $38面層PC狗棉花糖浮係忌廉上,好似飄浮係雲中咁好靚😍青蘋果口味清新香甜🍏 🍹椰果可爾必思梳打 $38清爽乳酸香甜,加上椰果增添口感。🍨北海道牛奶芭菲 $58十分足料,芭菲冰涼清新之餘又有陣陣牛奶香。另外亦有小丸子🍡、紅蘿蔔造型軟糖🥕、蜜瓜🍈、蜜桃🍑、提子味啫喱🍇 🛍️店內仲有PC狗限定商品:PC狗精美掛飾公仔、PC狗珍藏拉麵碗及湯匙、可褶式購物袋。每款限量發售,售完即止。凡購買紀念品滿$250,即送PC狗精美木製碟。✨鐘意PC狗就記得去打卡啦~ 📍富山麵家地址:銅鑼灣希雲街7號地舖 #富山麵家 #主題餐廳 #PC狗 #hkpopup #Pochacco #sanriohk #sanrio #sanriocharacters #女生 #打卡 #打卡餐廳 #香港打卡 #期間限定 #拉麵 #拉麵店 #三麗鷗 #銅鑼灣 #香港美食 #相機食先 #hkfoodie #hkblogger #hkgirl #hklifestyle