餐廳設計帶濃厚歐式古典氛圍⚜️，由門面綠色外牆、單車，到餐廳入的水晶燈、畫作等，好似進到一間法國小餐館一般，設計浪漫又優雅💐 今次嘗試嘅Dinner Menu係法式料理基礎中，加入港式風味，十分特別嘅構思。⚜️L'amuse Bouche前菜係北海道帶子配上三文魚籽🧡，味道清新散發柚子香氣，配上製成葉片嘅香脆抹茶餅。 🥯沙茶麵包配上牛油XO醬，麵包口感綿厚，帶鹹香，十分特別嘅配搭。 ⚜️Langoustine靈感嚟自蝦醬炒魷魚。將墨魚🦑切成麵條，口感煙韌。拌入由奶油、發酵蝦醬及蠔油製成嘅醬汁，味道濃厚又滋味。 海螯蝦🦐新鮮爽口，提升咗整道菜式嘅鮮味。 ⚜️Pigeon以兩種方式烹製乳鴿。一種用中式香料醃製，用真空低溫烹調鴿胸肉🥩，肉質嫩滑芳香有彈牙。另一種加入大蒜、百里香以真空低溫烹調乳鴿腿，然後將切絲的肉配搭鵝肝醬、捲心菜、松露醬等，製作成酥脆春卷🫔。 配上甜梅醬汁同喼汁🤎，甜中帶點微辣微酸，有種中西融合嘅感覺，再配搭一杯紅酒🍷，風味一流！😋 ⚜️Eggplant以避風塘煎釀三寶為靈感，將茄子🍆外層燒烤，加添煙燻香氣。將部分茄子蓉混合奶油，製成釀入茄子內的餡料。最後放滿炸得金香酥脆嘅茄子粒⭐️。無諗過單用茄子就可製成咁豐富嘅口感同層次，係我當晚最難忘嘅菜式！😍👍🏻 ⚜️The "Wagyu" Wellington經典和牛惠靈頓菜式，加入充滿港式風味嘅柱侯醬做調味。脆身酥皮包裹油香十足嘅牛肉🥩，並加添一點酸味，更開胃解膩。伴碟係白蘿蔔🤍，創意十足，亦更添清新口感。 ⚜️Espresso Lava Cake依款濃縮咖啡奶油心太軟✨，內饀有粒粒煙韌西米，溫熱流心、柔軟蛋糕、配搭中式風味杏仁茶雪糕。咖啡及杏仁香滑完美融合，令人非常滿足☺️ ⚜️Petit Fours最後一道餐點係精緻帶酒香嘅小蛋糕。 📍Maison ES地址：灣仔電氣街1號恆德大廈UG樓B號舖 #maisones #finedining #灣仔 #灣仔美食 #法國菜 #法式料理 #法式 #高質 #放假好去處 #情侶好去處 #香港好去處 #香港餐廳 #打卡 #香港打卡 #食評 #hkrestaurant #hkfoodie #hkblogger #hklifestyle #lifestyleblogger #hkfoodlover #hkgirl #frenchcuisine
