最開心同朋友食好嘢😋今次係位於灣仔嘅Auor X The Laksa Club，品嚐咗一餐有fine dining氛圍嘅新加坡菜。環境舒適優雅，燈光帶些昏暗，幾有氣氛✨ Dinner Menu有3-course 及 6-course，兩個套餐都有前菜🍗蝦醬炸雞及🥧五香豬肉卷。兩樣小食都好好味，炸雞好香脆，肉質嫩滑。肉卷外層腐皮脆口，鹹香十足。 *3-course at HKD480 per person*🔸和牛臉頰咖喱飯🔸西班牙紅蝦喇沙🔸斑蘭雪糕🍜喇沙係我近排食過最鐘意！一上枱已聞到陣陣🦐蝦香氣，將西班牙紅蝦煎到帶些煎香，湯底甜甜辣辣，味道香濃口感又清新，好出色🥹 🥘咖喱調味濃郁帶些許辣，和牛臉頰綿密，入口溶化。加入車厘茄中和咗咖喱嘅油膩感。無論配白飯定印度煎餅都好食。 *6-course at HKD980 per person*🔹鯧魚配參巴辣椒醬🔹斯里蘭卡辣椒蟹🔹和牛臉頰咖喱配印度煎餅🔹海南雞飯 🔹西班牙紅蝦喇沙🔹東方風味🐟鯧魚比到驚喜我，魚肉非常滑溜，參巴辣椒醬味道好有層次，帶少少辣，食唔停口。 🦀蟹亦炒到好入味好香。 🍲海南雞嫩滑，飯用咗日本月亮米及香茅煮成，份量少少地剛剛好，整體有質素。 💚東方風味係甜品，斑蘭椰子雪糕配上忌廉芝士慕絲蛋糕，有芒果果醬作內饀。組合特別，唔會太甜，香氣好豐富。 📍Auor X The Laksa Club地址: 灣仔告士打道88號其昌中心4樓#thelaksaclub #hkrestaurant #灣仔 #灣仔美食 #新加坡菜 #喇沙 #海南雞飯 #香港餐廳 #香港美食 #吃貨 #吃貨日記 #美食日記 #食評 #美食推介 #hkfoodie #foodiehk hkblogger #hkgirl #hklifestyle #hkfoodlover #hkfoodblogger #restaurantreview
