啱啱嘅假期去咗「捌捌陸」食大餐😆120分鐘任飲任食，雞煲火鍋放題只係$198起！今次我哋揀咗✨豪華雞煲火鍋任食$268 (假日+$20)，肉類種類更多更高級😋 餐廳環境舒適，坐位亦寬落，空間感十足，適合同朋友去聚餐～ 揀咗麻辣雞煲🥘，雞塊嫩滑入味，揀咗小辣剛剛好。配上滿滿芫荽、洋蔥、香蔥、辣椒🌶️等香料，更加惹味。 食完雞煲就可加湯打邊爐，揀咗職員推薦嘅🧡特濃沙嗲湯底，真係十分香濃美味，無介紹錯！👍🏻 餐廳近來聯乘荃灣人氣糯米糍「民豐」，有開心果💚同芝麻🩶兩款口味，外層煙韌，滿滿餡料，好滿足，仲要唔使排隊就食到！😆 🥩特別喜歡美國PRIME牛三角小排及美國PRIME牛肩胛，兩款牛肉都好有牛肉香味，口感嫩綿。 🦪🦐海鮮都好新鮮，扇貝、大頭蝦、蜆都大大隻，十分鮮味肥美。 🥓其他肉類包括豬梅花片、五花腩、羊肉卷、醉雞、午餐肉等。選擇都唔少。🍜多款台式美食，包括滷肉飯、牛肉麵、鹽酥雞、香酥臭豆腐、台灣腸、甜不辣等。真係想樣樣都試，但食唔到咁多呀！🤣 🍢設有自助配料飲品區，有各樣丸類、菇類、炸魚皮、冰豆腐、麻吉燒、年糕、蔬菜等。點擊圖片放大 🍹飲品有多款紙包及罐裝飲品、汽水等。 🧋特別喜歡+$38 就可升級至無限暢飲台灣啤酒/手調台式飲品。試咗黑糖珍珠奶茶、柚子蜂蜜綠茶及百香果綠茶，味道到位，幾好飲！ 📍捌捌陸地址：旺角登打士街56號家樂坊8樓802號舖#捌捌陸 #雞煲 #火鍋 #打邊爐 #旺角 #旺角美食 #家樂坊 #任食 #放題 #大餐 #民豐 #糯米糍 #hkrestaurant #香港餐廳 #香港美食 #吃貨 #吃貨日記 #美食日記 #食評 #美食推介 #hkfoodie #hkblogger #hklifestyle #hkfoodlover #hkfoodblogger #restaurantreview
