以花為主題，主打創意Fusion菜中加入花卉元素，係一間十分夢幻嘅餐廳🌸 係之前嘅生日就專登預約💜限定「繁花生日套餐」嚟慶祝💐 🍄花廚特色菌菇湯：濃郁嘅湯，充滿菌菇香氣，口感順滑，配搭香脆法包。 🥗川香和牛肉羽衣甘藍能量沙律：牛肉有嚼勁，配上清新健康嘅羽衣甘藍，醬汁帶有川味香辣，混合起嚟都幾惹味。 🧆輕煎金槍魚塔：金槍魚新鮮滑嫩，上層加上牛油果，增添咗順滑creamy嘅口感。 🥩玫瑰鹽烤鵝肝牛柳（180g）：賣相精緻華麗，紫薯蓉配花，設計會聯想起長髮公主🤭鵝肝入口即化，牛柳鮮嫩多汁，加上少許玫瑰鹽，令成個鮮味更提升，味道豐富出色，非常令人回味！🤤😍 🧡黑松露香草烤三黃雞（半隻）：雞肉肉質鮮嫩入味，加入黑松露嘅香氣，綿密清甜嘅南瓜蓉，好好食！ 🦋藍蝴蝶：蝶豆花飲品加入檸檬汁時，由藍色漸漸變紫色，特別夢幻，十分適合打卡。飲品本身亦酸酸甜甜，清新爽口。 🌼洋甘菊青提茶醉（酒精度6%）：酒味比預期更香濃，帶水果酸甜味，好清爽怡人。連玻璃杯身都圍住花，真係賞心悅目。🍰生日甜品 - 玫莓慕絲卷：玫瑰同莓果香氣結合，香甜可口，甜而不膩，蛋糕綿密輕盈。 GIFT: 繁花生日抱抱桶整體欣賞餐廳每個細節位都做得好用心，菜式賣相精緻，難得味道都同樣出色🥰👍🏻📍Tomacado 花廚地點：銅鑼灣世貿中心2樓06舖#tomacado #花廚 #tomacado花廚 #花 #花花世界 #少女 #夢幻 #可愛 #打卡餐廳 #香港打卡 #打卡美食 #打卡 #銅鑼灣 #銅鑼灣美食 #生日慶祝 #生日 #causewaybay #discoverhongkong #hkrestaurant #hkfoodie #flowers #香港美食 #香港好去處 #打卡 #hkblogger #hklifestyle #香港探店 #探店 #相機食先 #hkgirl #hkfoodlover #hkfoodblogger
