之前都睇到❣️Bingo & Cook❣️依間韓式餐廳有不少好評，今次食完果然無失望。店外燈飾令人仍有過聖誕嘅感覺😂 晚餐時間坐滿人，出餐時間要稍為等一會。食物好大份足料，味道都做到好到位，係令人想再回訪嘅質素。 前菜小食🥗有腸仔紅椒、西蘭花、白蘿蔔絲及泡菜。整體口味清新，泡菜爽口，甜甜地，有自家製個份好清新天然嘅味道。 🍗甜辣炸雞/蒜香醬油炸雞+🍢香腸年糕串（全份）$218食韓國菜當然要點炸雞。首先上枱已經好驚艷！香腸年糕🍢外層香脆，年糕煙煙韌韌，加上甜辣醬汁，夠晒滋味😋 兩款炸雞🍗就更出色，蒜香醬油炸雞蓋上香脆炸蒜片，蒜味香味又不至蓋過雞肉香味，炸雞外脆內軟，肉質又滑又多汁，太好食啦🤤！甜辣炸雞就相對較甜膩，調味帶微辣，肉質同樣出色。整體係非常令人回味嘅菜式。 🍲微辣豬肋骨鍋 $350份量真係不容小覷🤣豬肋骨大大塊，加入了菇類、薯仔、洋蔥、香葱等，全部食材嘅鮮味融入晒係個湯底度。 湯質濃稠，散發好香嘅肉汁同蔬菜香氣。豬肉炆煮到好腍，辣辣地，好惹味🤭 🥘海鮮煎餅 $148煎餅除咗有海鮮例如蝦🦐、八爪魚🐙，亦加入咗洋蔥、紅椒、蔥、紅蘿蔔等。 好少食到咁多材料嘅韓式煎餅，煎餅嘅口感非常綿密，加上大量蔬菜整體清新口感豐富。如果再加多少少海鮮就好完美。 🍺Suntory Highball $108酒味香濃，每啖都帶有冰爽口感。 @bingoncook_tst ———————————————————————————📍Bingo & Cook (尖沙咀)地址：尖沙咀麼地道37-41號港匯廣場地下17-20 & 31-34號舖———————————————————————————歡迎follow+like🌸 @yuen_yin68https://instagram.com/yuen_yin68?igshid=mgl3wgvbhyfm#bingoandcook #尖沙咀 #尖沙咀美食 #韓國美食 #韓式 #韓式料理 #韓式餐廳 #韓式炸雞 #炸雞 #煎餅 #豬肋骨 #香港探店 #香港好去處 #hkrestaurant #香港餐廳 #香港美食 #食評 #相機食先 #吃貨 #美食推薦 #美食日記 #foodiehk #hkfoodie #hkfoodlover #hkgirl #lifestyleblogger #hklifestyleblogger #hklifestyle #foodphotography #hkfoodstagram
