新開✨Align✨係樓上餐廳，老闆將台北市近年流行，以台式食物配雞尾酒嘅文化帶來香港。所以餐廳亦主打台式料理同特色雞尾酒🍹。餐廳坐位寬落，幾有情調。到大樓下要按門鐘或者打電話開門，建議提早預約～🍲櫻花蝦滷肉飯：將表層材料略經火灸，令櫻花蝦🦐鮮味中更帶焦香酥脆，濃郁滷肉，飯粒粒🍚分明有咬口，配上鹹甜滷汁及流心蛋，非常滋味🤤👍🏻 🍱四宮格小食拼盤： ❥ 牛腱：帶濃郁牛味，質地柔嫩，肉質多汁。❥ 牛肚：帶一些韌性嚼勁，爽口彈牙。 ❥ 三層肉：外皮香口，口感軟嫩多汁，帶豐富油脂香味。❥ 豬腱肉：質地煮到軟綿，非常入味。❥ 台南薑汁蕃茄：蕃茄🍅煮到軟身而不爛，天然酸甜味中加入薑汁嘅辣味，幾解膩。❥ 柚香蓮藕：清新柚子蜜配蓮藕，甜香爽脆，會不知覺一片接一片咁食😋❥ 鹽酥雞：外層不太脆，帶鹹香，雞肉幾滑唔會乾。 🍜麻醬乾麵：麻醬味道濃郁，麵條質地彈牙，青瓜絲加添清爽口感。 🐟烤魚：魚好入味，帶鹹甜同燻香味，肉質鮮嫩多汁，幾好食。 🥃雞尾酒 Bitter：用苦艾酒加上有椰子🥥及斑蘭🌿香味嘅雞尾酒。一開始飲椰香味突出，慢慢飲耐咗，椰香味開始無咁濃，反而餘香有斑蘭，好特別嘅味道～ 🍹雞尾酒 Salty：用龍舌蘭酒加入鹹檸🍋，又幾好飲。柑橘香味，加上一些鹹味，同酒香、梳打好融合，清新又解膩。 感受到老闆對調製雞尾酒有唔少諗法，有時間不妨叫老闆介紹特別嘅雞尾酒一試🙌🏻。我試咗上面兩杯酒都覺得好有特色，比到驚喜我😆 之後餐廳仲會推出新menu，加添串燒小食，好期待～———————————————————————————📍Align 地址：中環蘇豪伊利近街28號萬城閣1樓 (要按鐘/打電話) ———————————————————————————歡迎follow+like🌸 @yuen_yin68https://instagram.com/yuen_yin68?igshid=mgl3wgvbhyfm#align #alignlounge #中環 #中環美食 #台灣菜 #台式料理 #台式 #雞尾酒 #cocktails #hkcocktails #高質 #放假好去處 #情侶好去處 #hkrestaurant #restauranthk #香港好去處 #香港餐廳 #香港美食 #食評 #相機食先 #吃貨 #美食日記 #吃貨人生 #hkfoodie #foodiehk #hkblogger #hklifestyleblogger #hklifestyle #hkfoodlover #hkfoodblogger
