之前預祝情人節，帶老公去咗依間係尖沙咀嘅「鉄火堂」食高質又顏值滿滿嘅刺身飯😋❤️平日夜晚過嚟已見到好多人係店外排隊。睇到2人套餐真係好豐富，店內亦設「鉄」丼家 (1人自選刺身飯)，兩種套餐嘅性價比都超高！🫢 ⭐️2人前套餐⭐️ $398🥗迷你蟹籽沙律（2個）：蟹籽配爽脆青瓜絲，清新開胃。 🍱豐盛刺身丼：（三文魚腩、油甘魚腩、厚切赤身、厚切劍魚腩、八爪魚、烏賊、北寄貝、馬刀貝、帆立貝、芝士蟹籽、海膽魷魚、帝皇蟹棒、中華沙律、飛魚籽、碎葱吞拿魚、珍寶赤蝦） 依個刺身丼實在太豐富，鋪上滿滿嘅海鮮刺身，一睇到我已經垂涎欲滴😍🤤刺身好新鮮，厚切嘅三文魚腩、油甘魚腩、赤身及劍魚腩，魚質鮮嫩，鮮味十足👍🏻。帆立貝彈牙，馬刀貝好爽口。 ✨芝士蟹籽同✨海膽魷魚依兩款都好特別。一款有香濃芝士配蟹籽鮮味，送飯食好正。一款海膽甘甜配魷魚爽口，好少食到嘅味道組合。 🥟炸物盛合：（芝麻雞翼・墨魚咀・餃子）炸物炸到外層好酥脆，令人食唔停口😋。雞翼🍗肉質保持嫩滑，面層芝麻香氣撲鼻。墨魚咀✨彈牙，而餃子🥟外脆內軟，餡料肉汁。 🍬是日甜品（2個）：迷你士多啤梨雪葩迷你焦糖布甸大福🍓雪葩冰涼爽口，帶士多啤梨甜酸果香。而大福🍮有焦糖嘅香甜，加上布甸奶香味同柔軟口感，味道豐富令人滿足。 *******************************************************⭐️「鉄」丼家⭐️ $110起自選一款飯、一款藍鰭吞拿 及 係40款配料中選四款。 🍚黑胡椒三文魚飯（白飯）+$8三文魚碎混合係飯中，加上陣陣黑胡椒，單食已經好好味。 🍣厚切中拖羅（2切）+$23油脂分怖平均，肉質軟綿嫩滑，非常好食🤤🥠汁燒帆立貝(3切)帆立貝彈牙，帶燒烤嘅微焦香氣同埋醬汁嘅甘甜味。🍣火炙三文魚腩 (2切)+$5三文魚腩肥美，火炙後再帶出魚嘅鮮甜。🐟蒲燒鰻魚(2切)+$5鰻魚外層烤到帶些焦香，味道醇厚濃郁，魚肉保持鮮嫩多汁，入口溶化，超好食！🐟蒲燒鯖魚（2件）烤到外層金黃色，魚肉肉質緊實，帶鹹香味。———————————————————————————📍鉄火堂地址 : 九龍尖沙咀厚福街10號地下———————————————————————————歡迎follow+like🌸 @yuen_yin68https://instagram.com/yuen_yin68?igshid=mgl3wgvbhyfm#Tekka #鉄火堂 #尖沙咀 #尖沙咀美食 #香港小店 #香港餐廳 #香港美食 #hkfoodie #日本美食 #日本料理 #刺身 #壽司 #魚生飯 #刺身盛り #丼飯 #性價比高 #hkrestaurant #restauranthk #香港好去處 #香港餐廳 #香港美食 #食評 #相機食先 #吃貨 #美食日記 #吃貨人生 #foodiehk #hkblogger #hklifestyleblogger #hklifestyle #hkfoodlover #hkfoodblogger
